ന്യൂഡെൽഹി: മുഖ്യമന്ത്രിമാർ രാജാക്കൻമാർ അല്ലെന്ന് ഓർമിക്കണമെന്ന് സുപ്രീം കോടതി. വിവാദ ഐഎഫ്എസ് ഓഫീസറെ രാജാജി ടൈഗർ റിസർവ് ഡയറക്ടർ ആയി നിയമിച്ച ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമിയുടെ നടപടിയിലാണ് സുപ്രീം കോടതിയുടെ വിമർശനം.
സർക്കാരിനെ നയിക്കുന്നവർ പഴയ കാലത്തെ രാജാക്കൻമാരാണെന്ന് ധരിക്കരുത്. നമ്മൾ ഇപ്പോൾ പഴയ ഫ്യൂഡൽ കാലഘട്ടത്തിലല്ലെന്ന് ഓർമിക്കണമെന്നും ജസ്റ്റിസുമാരായ ബിആർ ഗവായ്, പികെ മിശ്ര, കെവി വിശ്വനാഥൻ എന്നിവരുടെ ബെഞ്ച് വ്യക്തമാക്കി. അതേസമയം, നിയമന ഉത്തരവ് മൂന്നാം തീയതി പിൻവലിച്ചുവെന്ന് ഉത്തരാഖണ്ഡ് സർക്കാർ കോടതിയെ അറിയിച്ചു.
രാജ്യത്ത് പൊതുവായ ഒരു തത്വമുണ്ട്. സർക്കാരിന്റെ തലപ്പത്ത് ഉള്ളവർക്ക്, പണ്ട് രാജാക്കൻമാരെ പോലെ എന്തും ചെയ്യാമെന്ന് വിചാരിക്കരുത്. താങ്കൾ ഒരു മുഖ്യമന്ത്രിയായതിനാൽ എന്തും ചെയ്യാമെന്നാണോ? മുഖ്യമന്ത്രിക്ക് ആ ഓഫീസറോട് എന്താണ് ഇത്ര താൽപ്പര്യം എന്നും സുപ്രീം കോടതി ചോദിച്ചു.
സംസ്ഥാന വനംമന്ത്രി, ചീഫ് സെക്രട്ടറി അടക്കമുള്ളവരുടെ എതിർപ്പുകൾ അവഗണിച്ചാണ് വിവാദ ഐഎഫ്എസ് ഓഫീസർ രാഹുലിനെ മുഖ്യമന്ത്രി ധാമി രാജാജി ടൈഗർ റിസർവ് ഡയറക്ടർ ആയി നിയമിച്ചത്. അനധികൃത മരംമുറി കേസിൽ ആരോപണ വിധേയനായ രാഹുലിനെ കോർബറ്റ് ടൈഗർ റിസർവിൽ നിന്നും നീക്കിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
