കൊച്ചി: സംവിധായകൻ ബാലചന്ദ്രകുമാറിന് എതിരായ ശബ്‌ദസന്ദേശം പുറത്തുവിട്ട് നടൻ ദിലീപ്. താൻ പണം കടം വാങ്ങിയവരോട് ദിലീപ് സംസാരിക്കണമെന്ന് ബാലചന്ദ്രകുമാർ പറയുന്ന ശബ്‌ദസന്ദേശമാണ് പുറത്തു വിട്ടിരിക്കുന്നത്. ദിലീപ് ഹൈക്കോടതിയിൽ ഹാജരാക്കിയ ശബ്‌ദസന്ദേശമാണിത്. ബാലചന്ദ്രകുമാർ തനിക്ക് അയച്ച വാട്‍സ്ആപ്പ് സന്ദേശമാണ് ഇതെന്ന് ദിലീപ് പറയുന്നു.
കടം വാങ്ങിയവരോട് സംസാരിക്കണമെന്നും സിനിമ നാല് മാസത്തിനുള്ളിൽ ഉണ്ടാകുമെന്ന് പറയണമെന്നും ബാലചന്ദ്രകുമാർ ആവശ്യപ്പെടുന്നത് ശബ്‌ദസന്ദേശത്തിൽ വ്യക്‌തമാണെന്ന് ദിലീപ് പറയുന്നു. ബാലചന്ദ്രകുമാർ നേരത്തെ ദിലീപിന് അയച്ച ശബ്‌ദ രേഖയാണ് ഇതെന്നും അവകാശവാദമുണ്ട്. 2021 ഏപ്രിൽ 14 ന് അയച്ച സന്ദേശമാണ് ഇപ്പോൾ താൻ പുറത്തു വിട്ടിരിക്കുന്നതെന്നും ദിലീപ് അറിയിച്ചു.
Read Also: നിയമസഭാ തിരഞ്ഞെടുപ്പ്; യുപിയിൽ ബിജെപി പ്രകടനപത്രിക ഇന്ന് പുറത്തിറക്കും
