റിയാദ്: അടുത്ത വെള്ളി, ശനി ദിവസങ്ങളിൽ റിയാദിലെ താപനില മൈനസ് മൂന്ന് ഡിഗ്രി വരെ എത്തിയേക്കുമെന്ന് വ്യക്തമാക്കി കാലാവസ്ഥാ നിരീക്ഷണ കേന്ദ്രം. അതേസമയം ഹായിൽ, മദീനയുടെ വടക്കൻ ഭാഗങ്ങൾ എന്നിവിടങ്ങളിൽ മൈനസ് 5 ഡിഗ്രി ആയിരിക്കും താപനില.
വടക്കൻ പ്രദേശങ്ങളിലും മഞ്ഞുവീഴ്ച കനക്കാൻ സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു. കൂടാതെ ഈ സാഹചര്യത്തിൽ ആളുകൾ കൂടുതൽ ജാഗ്രത പാലിക്കണമെന്നും മുന്നറിയിപ്പ് നൽകിയിട്ടുണ്ട്.
അതേസമയം തുറൈഫിലെ മിക്ക ഭാഗങ്ങളും നിലവിൽ മഞ്ഞു മൂടിയ സ്ഥിതിയിലാണ്. കഴിഞ്ഞ ദിവസം ഇവിടെ മൈനസ് 6 ഡിഗ്രി ആയിരുന്നു താപനില. കൂടാതെ ഖുറയാത്തിൽ മൈനസ് 5 ഡിഗ്രിയും അറാറിൽ മൈനസ് 4 ഡിഗ്രിയുമായിരുന്നു താപനില.
Read also: നാളെ മുതല് കൂടുതല് സ്കൂളുകളില് വാക്സിനേഷന്; മന്ത്രി വീണാ ജോര്ജ്