മലപ്പുറം: പത്ത് വയസുകാരിയെ ബലാൽസംഗം ചെയ്‌ത കേസിൽ 68-കാരന് 10 വർഷം കഠിനതടവും പിഴയും വിധിച്ചു. മലപ്പുറം കാളികാവ് മമ്പാട്ടുമൂല നീലങ്ങാടൻ മുഹമ്മദിനെതിരെയാണ് മഞ്ചേരി പോക്‌സോ സ്‌പെഷ്യൽ കോടതി ശിക്ഷ വിധിച്ചത്. പത്ത് വർഷം കഠിനതടവും 1,20,000 രൂപ പിഴ അടക്കാനുമാണ് കോടതി വിധി.
2015 മാർച്ചിലായിരുന്നു കേസിനാസ്‌ ദമായ സംഭവം നടന്നത്. ഇയാൾ പലപ്പോഴായി പെൺകുട്ടിയെ പീഡിപ്പിച്ചിരുന്നു. വയറുവേദനയുമായി ആശുപത്രിയിൽ എത്തിയ പെൺകുട്ടിയെ ചികിൽസിച്ച ഡോക്‌ടർക്ക്‌ സംശയം തോന്നിയതോടെ വിവരം പോലീസിനെ അറിയിക്കുകയായിരുന്നു.
തുടർന്ന് നടത്തിയ അന്വേഷണത്തിലാണ് കുട്ടിയെ ബലാൽസംഗം ചെയ്‌തതായി കണ്ടെത്തിയത്. തുടർന്ന് 2015 മെയ് ആറിന് കാളികാവ് പോലീസ് പ്രതിയെ അറസ്‌റ്റ് ചെയ്യുകയായിരുന്നു. ചെറുമകളുടെ പ്രായമുള്ള കുട്ടിയെ ക്രൂരമായി പീഡിപ്പിച്ച പ്രതി യാതൊരു ദയയും അർഹിക്കുന്നില്ലായെന്ന് കോടതി വിധിയിൽ പറയുന്നു. പീഡിപ്പിക്കപ്പെട്ട കുട്ടിയും കുടുംബവും അനുഭവിച്ച ദുരിതം കോടതിക്ക് കാണാതിരിക്കാൻ ആകില്ലെന്നും കോടതി പ്രതിപാതിച്ചിട്ടുണ്ട്.
Most Read: രത്തന്‍ ലാലിന്റെ അറസ്‌റ്റ്; ഡെൽഹി സർവകലാശാലയിൽ വൻ പ്രതിഷേധം
