മലപ്പുറം: ചാലിയാറിൽ ഒഴുക്കിൽപ്പെട്ട് കാണാതായ യുവാവിന്റെ മൃതദേഹം കണ്ടെത്തി. പൊന്നേമ്പാടം മൂന്നാം തൊടി എടക്കാട്ട് നവീൻ-ബിന്ദു നമ്പതിമാരുടെ മകൻ ജിഷ്‌ണുവിന്റെ (24) മൃതദേഹമാണ് കണ്ടെത്തിയത്. കഴിഞ്ഞ രണ്ട് ദിവസമായി ചാലിയാറിൽ ജിഷ്‌ണുവിന് വേണ്ടിയുള്ള തിരച്ചിൽ നടന്നിരുന്നു.
കൂട്ടുകാർക്കൊപ്പം കുളിക്കാനിറങ്ങിയ ജിഷ്‌ണു ഒഴുക്കിൽ പെടുകയായിരുന്നു. മീഞ്ചന്ത ഫയർഫോഴ്‌സ്, വാഴക്കാട് പോലീസ്, കോസ്‌റ്റൽ പോലീസ്, താലൂക്ക് ദുരന്ത നിവാരണ സമിതി എന്നിവയുടെ നേതൃത്വത്തിലാണ് തിരച്ചിൽ നടത്തിയത്.
Read Also: ഹാരിസൺ കമ്പനി ഉൾപ്പെടെ കയ്യേറിയ ഭൂമി തിരിച്ചുപിടിക്കാൻ ഒരുങ്ങി സർക്കാർ
