കൊച്ചി: മുൻ മുഖ്യമന്ത്രി ഉമ്മൻചാണ്ടിയെ വധിക്കാൻ ശ്രമിച്ച കേസിൽ മൂന്ന് പ്രതികൾ കുറ്റക്കാരാണെന്ന് കണ്ണൂർ സബ് കോടതി വിധിച്ചു. ദീപക്, സിഒടി നസീർ, ബിജു പറമ്പത്ത് എന്നിവരെയാണ് കോടതി കുറ്റക്കാരാണെന്ന് വിധിച്ചത്. 110 പ്രതികളെ വെറുതെ വിടുകയും ചെയ്‌തു. മുൻ എംഎൽഎമാരായ സി കൃഷ്‌ണൻ, കെകെ നാരായണൻ എന്നിവരടക്കം 113 പേരായിരുന്നു കേസിലെ പ്രതികൾ.
2013 ഒക്‌ടോബർ 27ന് കണ്ണൂരിൽ ആയിരുന്നു സംഭവം. കാറിന് നേരെയുണ്ടായ കല്ലേറിൽ ചില്ല് തകർന്ന് ഉമ്മൻചാണ്ടിക്ക് പരിക്കേറ്റിരുന്നു. പ്രതികൾക്കെതിരെ രണ്ടു വകുപ്പ് മാത്രമാണ് കോടതിയിൽ തെളിഞ്ഞത്. ആയുധം കൊണ്ട് പരിക്കേൽപ്പിക്കൽ, പൊതുമുതൽ നശിപ്പിക്കൽ എന്നീ രണ്ടു വകുപ്പുകളാണ് പ്രതികൾക്ക് എതിരെ തെളിയിക്കാൻ കഴിഞ്ഞത്.
വധശ്രമം, ഗൂഢാലോചന, പോലീസിനെ ആക്രമിച്ചു പരിക്കേൽപ്പിക്കൽ അടക്കമുള്ള വകുപ്പുകൾ തെളിയിക്കാനായില്ല. ശിക്ഷിക്കപ്പെട്ട ദീപക്, സിഒടി നസീർ എന്നിവരെ സിപിഎം പുറത്താക്കിയവരാണ്. അച്ചടക്ക നടപടിയുടെ പേരിലായിരുന്നു പുറത്താക്കൽ.
Most Read: കാപികോ റിസോർട്ട്; പൊളിക്കാനുള്ള കാലാവധി ഇന്ന് അവസാനിക്കും
