ന്യൂഡെല്‍ഹി: കര്‍ഷകരെ അറസ്‌റ്റ് ചെയ്‌ത് തടവിലാക്കാന്‍ സ്‌റ്റേഡിയങ്ങള്‍ വിട്ടു നല്‍കാത്തതില്‍ കേന്ദ്രം തന്നോട് പക തീര്‍ക്കുകയാണെന്ന് അരവിന്ദ് കെജ്‌രിവാള്‍. കര്‍ഷക പ്രതിഷേധത്തിനൊപ്പം അണിചേരാനിരുന്ന തന്നെ കേന്ദ്രം മനപൂര്‍വം പോകാന്‍ അനുവദിച്ചില്ലെന്നും ഡെല്‍ഹി മുഖ്യമന്ത്രി പറഞ്ഞു.
‘ഞാന്‍ ഇന്ന് കര്‍ഷകരോട് ഐക്യദാര്‍ഢ്യം പ്രഖ്യാപിച്ച് ഒരു സാധാരണ മനുഷ്യനെന്ന നിലയില്‍ ഡെല്‍ഹി അതിര്‍ത്തിയിലേക്ക് പോകാനിരുന്നതാണ്. ഞാന്‍ പോകുമെന്നറിഞ്ഞ് കേന്ദ്രം എന്നെ മനപൂര്‍വം പുറത്തിറങ്ങാന്‍ അനുവദിച്ചില്ല,’ കെജ്‌രിവാള്‍ പറഞ്ഞു. എന്നാല്‍ ഡെല്‍ഹി മുഖ്യമന്ത്രി വീട്ടുതടങ്കലില്‍ ആണെന്ന വാര്‍ത്ത ബിജെപി നിഷേധിച്ചു.
അതേസമയം കര്‍ഷക പ്രതിഷേധം ഏതുവിധേനയും അടിച്ചമര്‍ത്താനുള്ള ശ്രമം കേന്ദ്ര സര്‍ക്കാര്‍ തുടരുകയാണ്. കര്‍ഷക സമരത്തില്‍ പങ്കെടുക്കാന്‍ ഇറങ്ങവേ ഭീം ആര്‍മി നേതാവ് ചന്ദ്രശേഖര്‍ ആസാദിനെ പൊലീസ് കസ്‌റ്റഡിയില്‍ എടുത്തിരുന്നു. കൂടാതെ ഇടത് നേതാക്കളായ കെകെ രാഗേഷ്, കൃഷ്‌ണപ്രസാദ് എന്നിവരെയും കരുതല്‍ തടങ്കല്‍ എന്ന പേരില്‍ കസ്‌റ്റഡിയില്‍ എടുത്തു.
Read also: രാഹുല്‍ ഗാന്ധിക്ക് മല്ലിയും ഉലുവയും തിരിച്ചറിയാമോ; ബിജെപി നേതാവ് വിജയ് രൂപാണി
