പൂനെ: ആർമി സ്പോർട്സ് ഇൻസ്‌റ്റിറ്റ്യൂട്ട് പരിസരത്തുള്ള സ്‌റ്റേഡിയത്തിന് ടോക്യോ ഒളിമ്പിക്‌സ്‌ ജേതാവ് നീരജ് ചോപ്രയുടെ പേര് നൽകാൻ തീരുമാനം. പൂനെ കന്റോൺമെന്റിലുള്ള സ്‌റ്റേഡിയത്തിന് നീരജ് ചോപ്ര ആർമി സ്പോർട്സ് സ്‌റ്റേഡിയം എന്നാണ് നാമകരണം ചെയ്യാൻ പോകുന്നത്.
ഓഗസ്‌റ്റ്‌ 23ന് നടക്കുന്ന ചടങ്ങിൽ കേന്ദ്ര പ്രതിരോധ വകുപ്പ് മന്ത്രി രാജ്‌നാഥ്‌ സിങ് ഔദ്യോഗികമായി നാമകരണം നിർവഹിക്കും. ചടങ്ങിൽ 16 ഒളിമ്പ്യൻമാരെ മന്ത്രി ആദരിക്കും. ചടങ്ങിന് ശേഷം യുവ കായിക താരങ്ങളുമായി സംവാദവും നടക്കും.
ടോക്യോ ഒളിമ്പിക്‌സിൽ ജാവലിൻ ത്രോയിലാണ് നീരജ് ചോപ്ര സ്വർണം നേടിയത്. ഇതോടെ അത്‌ലറ്റിക്‌സിൽ സ്വർണം നേടുന്ന ആദ്യ ഇന്ത്യൻ താരമായി നീരജ് ചോപ്ര മാറി. അഭിനവ് ബിന്ദ്രക്ക് ശേഷം ഒളിമ്പിക്‌സിൽ വ്യക്‌തിഗത സ്വർണം നേടുന്ന ആദ്യ താരം കൂടിയാണ് ഇദ്ദേഹം.
Also Read: രാജ്യത്ത് ‘സൈകോവ്-ഡി’ വാക്‌സിന് അനുമതി; സുപ്രധാന നേട്ടമെന്ന് പ്രധാനമന്ത്രി
