പാലക്കാട്: തൃശൂർ-പാലക്കാട് ദേശീയപാതയിലെ പന്നിയങ്കര ടോൾ പ്ളാസയിൽ നിരക്ക് കൂട്ടാൻ തീരുമാനം. നിരക്ക് കുറച്ചതിനെതിരെ ഹൈക്കോടതിയിൽ നൽകിയ അപ്പീലിൽ കമ്പനിക്ക് അനുകൂലമായ ഉത്തരവ് ഉണ്ടായതിന് പിന്നാലെയാണ് നടപടി.
രണ്ടു ദിവസത്തിനകം കൂടിയ നിരക്ക് വാങ്ങി തുടങ്ങുമെന്ന് കരാർ കമ്പനി അറിയിച്ചു. പുതിയ നിരക്ക് വന്നാൽ കാർ, ജീപ്പ് തുടങ്ങിയ ലൈറ്റ് മോട്ടോർ വാഹനങ്ങൾക്ക് ഒരു വശത്തേക്ക് യാത്ര ചെയ്യാൻ 100 രൂപ നൽകേണ്ടി വരും. റിട്ടേൺ ഉൾപ്പടെ 150 രൂപയാകും. നേരത്തെ യഥാക്രമം 90ഉം 135ഉം രൂപയാണ് ഈടാക്കിയിരുന്നത്.
ബസുകളുടെ ടോൾ നിരക്ക് സിംഗിൾ യാത്രക്ക് 310 രൂപയാകും. ഇരുവശത്തേക്കും കടന്നുപോകാൻ 465 രൂപ നൽകേണ്ടി വരും. നിലവിൽ ഒരു വശത്തേക്ക് 280ഉം ഇരുഭാഗങ്ങളിലേക്കുമായി 425 രൂപയുമാണ് ഈടാക്കുന്നത്.
Most Read: സ്വപ്‌നയുടെ ഐഫോൺ പരിശോധനക്ക് വിധേയമാക്കും; മൊഴി സ്‌ഥിരീകരിക്കുക ലക്ഷ്യം
