കോഴിക്കോട്: ജില്ലയിൽ സമ്പർക്കം മൂലം രോഗവ്യാപനം വർധിക്കുന്നതിൽ ആശങ്ക അറിയിച്ച് ജില്ലാ ആരോഗ്യ വിഭാഗം. ജില്ലയിൽ ഇന്നലെ 1,526 പേർക്കാണ് കോവിഡ് പോസിറ്റീവ് സ്ഥിരീകരിച്ചത്. ഇതിൽ 1,503 പേർക്കും സമ്പർക്കം വഴിയാണ് രോഗബാധ ഉണ്ടായത്. അതേസമയം, ടിപിആർ നിരക്ക് 16.75 ശതമാനമായതായും അധികൃതർ അറിയിച്ചു. ടൗണുകൾ കേന്ദ്രീകരിച്ചുള്ള കർശന പരിശോധനകൾ തുടരുമെന്നും അധികൃതർ പറഞ്ഞു.
ജില്ലയിൽ ഇന്നലെ 246 കേസുകളാണ് കോവിഡ് നിയന്ത്രണ ലംഘനവുമായി പോലീസ് രജിസ്റ്റർ ചെയ്തത്. സാമൂഹിക അകലം പാലിക്കാത്തതിനും പൊതു സ്ഥലങ്ങളിൽ കൂട്ടംകൂടി നിന്നതിനും കടകൾ കൃത്യ സമയത്ത് അടക്കാത്തതിനും സിറ്റി പോലീസ് പരിധിയിൽ 16 കേസുകളും റൂറൽ പോലീസ് പരിധിയിൽ 44 കേസുകളും രജിസ്റ്റർ ചെയ്തിട്ടുണ്ട്. മാസ്ക് ധരിക്കാത്തതിന് സിറ്റി പരിധിയിൽ 95 കേസുകളും റൂറലിൽ 91 കേസുകളും എടുത്തിട്ടുണ്ട്.
അതേസമയം, ജില്ലയിൽ ഇതുവരെ 30,06,866 പരിശോധനകളാണ് നടന്നത്. ഇതിൽ 30,03,788 എണ്ണത്തിന്റെ ഫലങ്ങളാണ് ലഭിച്ചത്. 26,23,521 എണ്ണം നെഗറ്റീവ് ആണ്. 6,04,342 ആർടിപിസിആർ, 11,00,808 ആന്റിജൻ, 30,058 ട്രൂനാറ്റ് പരിശോധനകളാണ് നടത്തിയത്. സ്വകാര്യ ലാബുകളിൽ 12,68,315 പരിശോധനകളും നടത്തി. ജില്ലയിൽ ഇന്നലെ 2,631 പേർ രോഗമുക്തി നേടിയിട്ടുണ്ട്.
Read Also: അതിരൂക്ഷം വാക്സിൻ ക്ഷാമം; സംസ്ഥാനത്ത് 5 ജില്ലകളിൽ ഇന്ന് വാക്സിനേഷനില്ല