കണ്ണൂര്‍: പയ്യാവൂരില്‍ രണ്ടര വയസുകാരി വിഷം ഉള്ളില്‍ ചെന്ന് മരിച്ചു. പയ്യാവൂരിലെ ചുണ്ടക്കാട്ടില്‍ അനീഷ്-സ്വപ്ന ദമ്പതികളുടെ മകള്‍ അന്‍സിലയാണ് മരണപ്പെട്ടത്. കുട്ടിയുടെ അമ്മ സ്വപ്നയും മൂത്ത സഹോദരി പതിമൂന്ന് വയസുള്ള അല്‍സീനയും ഗുരുതരാവസ്ഥയില്‍ ആശുപത്രിയില്‍ ചികിത്സയിലാണ്.
കഴിഞ്ഞ വ്യാഴാഴ്ചയാണ് സ്വപ്നയെയും മക്കളെയും വിഷം കഴിച്ച നിലയില്‍ ആശുപത്രിയില്‍ പ്രവേശിപ്പിച്ചത്. ഐസ്‌ക്രീമില്‍ എലിവിഷം കലര്‍ത്തി കഴിച്ചതാണെന്നാണ് പൊലീസ് നിഗമനം. കടബാധ്യതയെ തുടര്‍ന്ന് കൂട്ട ആത്മഹത്യയക്ക് ശ്രമിച്ചതാകാം. പയ്യാവൂരില്‍ വസ്ത്രവ്യാപാരം നടത്തുന്ന സ്വപ്നക്ക്‌ ഒന്നര കോടി രൂപയുടെ കടബാധ്യതയുണ്ടായിരുന്നുവെന്നും പൊലീസ് പറഞ്ഞു.
