സംഘർഷം; ഇസ്രയേലിലേക്കുള്ള വിമാന സർവീസുകൾ റദ്ദാക്കി യുഎഇ

By Team Member, Malabar News
etihad

അബുദാബി : രാജ്യത്ത് നിന്നും ഇസ്രയേലിലേക്കുള്ള സർവീസുകൾ റദ്ദാക്കി യുഎഇ വിമാന കമ്പനികൾ. ഇസ്രയേലിൽ സംഘർഷം തുടരുന്ന സാഹചര്യത്തിലാണ് വിമാന സർവീസുകൾ റദ്ദാക്കാൻ തീരുമാനിച്ചത്. ഞായറാഴ്‌ച മുതല്‍ ടെല്‍ അവീവിലേക്ക് പുറപ്പെടേണ്ട എല്ലാ യാത്രാവിമാനങ്ങളും കാര്‍ഗോ സര്‍വീസുകളും റദ്ദാക്കിയതായി ഇത്തിഹാദ് എയർവേയ്‌സ് വെബ്‌സൈറ്റിലൂടെ അറിയിച്ചു. അമേരിക്കക്കും യൂറോപ്യന്‍ എയര്‍ലൈന്‍സുകള്‍ക്കും പിന്നാലെയാണ് യുഎഇയും സർവീസുകൾ റദ്ദാക്കാനുള്ള തീരുമാനമെടുത്തത്.

ടെല്‍ അവീവിന് സമീപത്ത് പോലും മിസൈലുകള്‍ പതിച്ച സാഹചര്യത്തിൽ ഇസ്രയേലിലെ സ്‌ഥിതിഗതികൾ വിലയിരുത്തുകയാണെന്ന് ഇത്തിഹാദ് അധികൃതർ വ്യക്‌തമാക്കി. കൂടാതെ ദുബായില്‍ നിന്ന് ഇസ്രയേലിലേക്ക് ഞായറാഴ്‌ച പുറപ്പെടേണ്ട വിമാനങ്ങള്‍ റദ്ദാക്കിയതായി ഫ്‌ളൈ ദുബായ് ഇതിനോടകം തന്നെ വ്യക്‌തമാക്കിയിട്ടുണ്ട്‌. റദ്ദാക്കിയ വിമാന സർവീസുകൾ നിലവിൽ അടുത്ത ആഴ്‌ചയിലേക്കാണ് ഷെഡ്യൂൾ ചെയ്‌തിരിക്കുന്നത്‌.

Read also : കോവിഡ് പ്രതിരോധം; സേവാഭാരതിക്ക് 18 കോടി നൽകി ട്വിറ്റർ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE