അബുദാബി: ആരോഗ്യപ്രവർത്തകരുടെ മക്കൾക്ക് സൗജന്യ വിദ്യാഭ്യാസമെന്ന പ്രഖ്യാപനവുമായി യുഎഇ. കോവിഡ് 19 പ്രതിരോധ പ്രവർത്തനങ്ങളുടെ മുൻനിര പോരാളികൾക്കുള്ള ആദരവായാണ് യുഎഇയുടെ പ്രഖ്യാപനം. ഡോക്ടർമാർ, നഴ്സുമാർ എന്നിവരുടെ മക്കൾക്കാണ് ആനുകൂല്യം ലഭിക്കുക.
700 കുട്ടികള്ക്കാണ് ആദ്യ ഘട്ടത്തിൽ ഈ ആനുകൂല്യം ലഭിക്കുക. യുഎഇയിലെ സര്ക്കാര് സ്കൂളുകളില് 12-ാം ക്ലാസ്സ് പൂര്ത്തിയാക്കുന്നതുവരെ ഇവര്ക്ക് സൗജന്യ വിദ്യാഭ്യാസം നല്കുമെന്ന് വിദ്യാഭ്യാസ മന്ത്രാലയം അറിയിച്ചു. ജോലി ചെയ്യുന്ന സർക്കാർ, സ്വകാര്യ ആശുപത്രികൾ മുഖേനയാണ് ഇതിനായി അപേക്ഷിക്കേണ്ടത്. ആരോഗ്യമേഖലയിൽ ജോലി ചെയ്യുന്ന മലയാളികൾ അടക്കമുള്ള വിദേശികൾ യുഎഇയുടെ പ്രഖ്യാപനത്തെ സ്വാഗതം ചെയ്തു.