മുംബൈ: കോവിഡ് വ്യാപനത്തിനിടെ പ്രതിഷേധ പരിപാടികള് നടത്താന് ശ്രമിക്കരുതെന്ന് രാഷ്ട്രീയക്കാര്ക്ക് നിര്ദേശം നല്കണമെന്ന് പ്രധാനമന്ത്രി നരേന്ദ്ര മോദിയോട് മഹാരാഷ്ട്ര മുഖ്യമന്ത്രി ഉദ്ദവ് താക്കറെ. വിവിധ സംസ്ഥാനങ്ങളിലെ മുഖ്യമന്ത്രിമാരുമായി കോവിഡ് സാഹചര്യം വിലയിരുത്താന് പ്രധാനമന്ത്രി നടത്തിയ യോഗത്തിലാണ് താക്കറെ ഇക്കാര്യം ഉന്നയിച്ചത്. വീഡിയോ കോണ്ഫറന്സിംഗ് വഴിയായിരുന്നു യോഗം.
കോവിഡ് രണ്ടാം തരംഗത്തിനിടെ കുറച്ച് രാഷ്ട്രീയക്കാര് ജനങ്ങളുടെ ജീവിതം വച്ച് പന്താടുന്ന തരത്തില് പ്രതിഷേധങ്ങള് സംഘടിപ്പിക്കുന്നു എന്ന് താക്കറെ പറഞ്ഞു. ഇക്കാര്യത്തില് പ്രധാനമന്ത്രി ഇടപെടണമെന്നും കോവിഡ് പ്രോട്ടോക്കോളുകള് പിന്തുടരാന് രാഷ്ട്രീയ പാര്ട്ടികളോട് നിർദേശിക്കണമെന്നും അദ്ദേഹം അഭ്യര്ത്ഥിച്ചു.
താക്കറെക്ക് പുറമെ പശ്ചിമ ബംഗാള് മുഖ്യമന്ത്രി മമത ബാനര്ജി, ഗുജറാത്ത് മുഖ്യമന്ത്രി വിജയ് രൂപാനി, രാജസ്ഥാന് മുഖ്യമന്ത്രി അശോക് ഗെഹ്ലോട്ട് , ഹരിയാന മുഖ്യമന്ത്രി മനോഹര് ലാല് ഘട്ടര്, കേരള മുഖ്യമന്ത്രി പിണറായി വിജയന്, ദില്ലി മുഖ്യമന്ത്രി അരവിന്ദ് കെജ്രിവാള് എന്നിവരും യോഗത്തില് പങ്കെടുത്തിരുന്നു.
Read also: വിദേശകാര്യ മന്ത്രി എസ് ജയശങ്കറിന്റെ ത്രിരാഷ്ട്ര സന്ദർശനം ഇന്ന് മുതൽ