ഇടുക്കി: തമിഴ്നാട്ടില് നിന്നെത്തിയ വാഹനം കമ്പംമേട്ടില് യുഡിഎഫ് പ്രവര്ത്തകര് തടഞ്ഞു. ഇതിനെത്തുടർന്ന് സ്ഥലത്ത് സംഘർഷം ഉണ്ടായി. വാഹനങ്ങള്ക്ക് നേരെ കല്ലേറുണ്ടായി. ഒരു വാഹനം തകര്ത്തതായാണ് പരാതി. ഇരട്ട വോട്ടിനെ ചൊല്ലിയാണ് സംഘര്ഷമുണ്ടായത്.
വിവിധ കാരണങ്ങളാല് സംസ്ഥാനത്തിന്റെ പലയിടത്തും സംഘര്ഷമുണ്ടായി. പത്തനംതിട്ട ആറൻമുള ചുട്ടിപ്പാറയില് കോണ്ഗ്രസ്- സിപിഎം സംഘര്ഷമുണ്ടായി. പാര്ട്ടി കൊടിയുമായി വോട്ട് ചെയ്യാനെത്തിയതിനെ തുടര്ന്നാണ് സംഘര്ഷമുണ്ടായത്.
തിരുവനന്തപുരം ശ്രീകാര്യം കാട്ടായികോണത്തും സിപിഎം- ബിജെപി സംഘര്ഷം ഉണ്ടായി. സംഘര്ഷത്തില് നാല് ബിജെപി പ്രവര്ത്തകര്ക്ക് പരിക്കേറ്റു. ബൂത്ത് ഓഫീസുമായി ബന്ധപ്പെട്ട തര്ക്കമാണ് സംഘര്ഷത്തില് കലാശിച്ചത്. പരിക്കേറ്റവരെ ആശുപത്രിയിലേക്ക് മാറ്റി.
Also Read: ഒരു തവണ എംഎൽഎ ആയി; നേമവുമായി വേറൊരു ബന്ധവുമില്ലെന്ന് ഒ രാജഗോപാൽ