തിരുവനന്തപുരം: ആദ്യ ഫലങ്ങൾ പുറത്ത് വന്നതോടെ ആദ്യ ഘട്ടത്തിൽ എൽഡിഎഫിന് ഉണ്ടായിരുന്ന മേൽക്കൈ പതിയെ കുറയുന്നു. മുനിസിപ്പാലിറ്റികളുടെ എണ്ണത്തിൽ കൃത്യമായ മുൻതൂക്കമാണ് യുഡിഎഫിന് ഉള്ളതെന്ന് തിരഞ്ഞെടുപ്പ് കമ്മീഷന്റെ കണക്കുകൾ നൽകുന്ന സൂചന. 24 നഗരസഭകളിൽ യുഡിഎഫ് മുന്നിട്ട് നിൽക്കുന്നു. 19 ഇടത്താണ് എൽഡിഎഫ് മുന്നിട്ട് നിൽക്കുന്നു. രണ്ടിടത്ത് എൻഡിഎക്ക് അനുകൂലമാണ്.
അതേസമയം, ഗ്രാമ പഞ്ചായത്തുകളിൽ നേരിയ മുൻതുക്കം ഇടതു മുന്നണിക്കാണ്. ഒഞ്ചിയം പഞ്ചായത്തിൽ ആർഎംപി മുന്നിട്ട് നിൽക്കുന്നു. 37 പഞ്ചായത്തുകളിൽ ഇടതു മുന്നണിയും 31 പഞ്ചായത്തുകളിൽ യുഡിഎഫും മുന്നിട്ട് നിൽക്കുന്നു. 4 പഞ്ചായത്തുകളിലാണ് ബിജെപി ലീഡ് ചെയ്യുന്നത്. മൂന്ന് ബ്ളോക്ക് പഞ്ചായത്തുകളും, 2 ജില്ലാ പഞ്ചായത്തുകളും ഇടതു മുന്നണിയാണ് മുന്നിലുള്ളത്.