സ്‍ത്രീകളുടേയും പെൺകുട്ടികളുടേയും സ്വാതന്ത്ര്യം; താലിബാനെതിരെ അമേരിക്ക

By Syndicated , Malabar News
us-vows-to-take-action-agaist-taliban
Ajwa Travels

വാഷിംഗ്‌ടൺ: താലിബാൻ നീക്കത്തിനെതിരെ വീണ്ടും അമേരിക്ക. സ്‍ത്രീകളുടേയും പെൺകുട്ടികളുടേയും സ്വാതന്ത്ര്യം ഇല്ലാതാക്കുന്ന നടപടികൾ വീണ്ടും തിരികെ കൊണ്ടുവന്ന സാഹചര്യത്തിലാണ് താലിബാനെതിരെ അമേരിക്ക രംഗത്ത് വന്നത്. ഹിജാബ് നിർബന്ധമാക്കാൻ താലിബാൻ എടുത്ത തീരുമാനം എത്രയും പെട്ടന്ന് പിൻവലിച്ചില്ലെങ്കിൽ ശക്‌തമായ പ്രത്യാഘാതം നേരിടേണ്ടി വരുമെന്നുമാണ് അമേരിക്കൻ വിദേശകാര്യവകുപ്പ് വക്‌താവ് നെഡ് പ്രൈസിന്റെ മുന്നറിയിപ്പ്.

അഫ്ഗാനിലെ വനിതകളുടേയും പെൺകുട്ടികളുടേയും എല്ലാ മനുഷ്യാവകാശങ്ങളും താലിബാൻ നിഷേധിക്കുകയാണെന്നും ഹിജാബ് പോലുള്ള മതപരമായ വിലക്കുകൾ സ്‍ത്രീകളുടെ സമ്പൂർണ്ണ സ്വാതന്ത്ര്യം ഇല്ലാതാക്കുന്നുവെന്നാണ് അമേരിക്ക ആരോപിക്കുന്നത്. വിഷയത്തിൽ താലിബാന് മേൽ സമ്മർദ്ദം ശക്‌തമാക്കാനാണ് അമേരിക്കയുടെ തീരുമാനം.

അഫ്ഗാന്റെ നിയന്ത്രണം പിടിച്ചെടുത്ത ഉടൻ സ്‍ത്രീകൾ ജോലിക്ക് പോകുന്നതും പുറത്തുപോകുന്നതും താലിബാൻ വിലക്കിയിരുന്നു. കൂടാതെ പുറത്ത് പോകുന്ന സ്ത്രീകൾ ശരീരവും മുഖവും മറയ്‌ക്കണമെന്നും നിർബന്ധമായും കുടുംബത്തിലെ പുരുഷൻമാർ ആരെങ്കിലും കൂടെ വേണമെന്നും താലിബാൻ പ്രഖ്യാപിച്ചിരുന്നു. തുടർന്ന് പെൺകുട്ടികളുടെ വിദ്യാഭ്യാസത്തേയും പൂർണ്ണമായും ഇല്ലാതാക്കിയിരുന്നു.

Read also: പഞ്ചാബിൽ കണ്ടെടുത്ത അസ്‌ഥികൂടങ്ങൾ ഇന്ത്യൻ സൈനികരുടേത്; സ്‌ഥിരീകരിച്ചു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE