തിരുവനന്തപുരം : നിയമസഭാ തിരഞ്ഞെടുപ്പിൽ കഴക്കൂട്ടം മണ്ഡലത്തിൽ ശോഭാ സുരേന്ദ്രന് അനുകൂല ഘടകങ്ങൾ ഉണ്ടെന്ന് വ്യക്തമാക്കി കേന്ദ്രമന്ത്രി വി മുരളീധരൻ. കഴിഞ്ഞ തിരഞ്ഞെടുപ്പിൽ ബിജെപിയോടും, നരേന്ദ്രമോദിയോടുമുള്ള ആളുകളുടെ വിശ്വാസം കൊണ്ടാണ് തനിക്ക് അത്രയധികം വോട്ടുകൾ ലഭിച്ചതെന്നും അദ്ദേഹം കൂട്ടിച്ചേർത്തു. ഇത്തവണത്തെ തിരഞ്ഞെടുപ്പിൽ ശോഭാ സുരേന്ദ്രനും അത്തരത്തിൽ ജനപിന്തുണ ലഭിക്കുമെന്നും മുരളീധരൻ പറഞ്ഞു.
ശബരിമലയിൽ ആചാരലംഘനങ്ങൾക്ക് കൂട്ടുനിന്ന ദേവസ്വം മന്ത്രിയാണ് ഇത്തവണ കഴക്കൂട്ടത്ത് മൽസരിക്കുന്നതെന്നും, ആ ദേവസ്വം മന്ത്രിക്കെതിരായി ശബരിമലയിലെ സാധാരണക്കാരുടെയും വിശ്വാസികളുടെയും വികാരം തീർച്ചയായും ശോഭാ സുരേന്ദ്രന് അനുകൂലമായി രേഖപ്പെടുത്തുമെന്നും മുരളീധരൻ വ്യക്തമാക്കി. അതിനാൽ തന്നെ കഴിഞ്ഞ തിരഞ്ഞെടുപ്പിൽ തനിക്ക് കിട്ടിയ വോട്ടുകളേക്കാൾ കൂടുതൽ വോട്ടുകൾ നേടി ഇത്തവണ ശോഭാ സുരേന്ദ്രന് വിജയിക്കാൻ സാധിക്കുമെന്നും അദ്ദേഹം കൂട്ടിച്ചേർത്തു.
Read also : സംവരണ പോസ്റ്റുകളിലെ ഒഴിവ് നികത്തുന്നതിന് നേരിട്ട് നിയമനം നടത്തണം; എസ്എസ്എഫ് ദേശീയ കൗൺസിൽ