ഡോ മുഹമ്മദ് ഫാറൂഖ് നഈമി അൽ ബുഖാരി (കേരള) പ്രസിഡണ്ട്, മുഹമ്മദ് നൗഷാദ് ആലം മിസ്ബാഹി (ഒഡിഷ) ജനറൽ സെക്രട്ടറി, സുഹൈറുദ്ദീൻ നൂറാനി (ബംഗാൾ) ഫിനാൻസ് സെക്രട്ടറി
അജ്‌മീർ: ഐഐടി ഐഐഎം പോലുള്ള അത്യുന്നത വിദ്യാഭ്യാസ കേന്ദ്രങ്ങളിൽ സംവരണ വിഭാഗങ്ങൾക്കായി നിശ്‌ചയിച്ച പോസ്‌റ്റുകളിലെ ഒഴിവുകൾ നികത്തുന്നതിന് നേരിട്ടുള്ള നിയമനം നടത്തണമെന്ന് എസ്‌എസ്‌എഫ് ദേശീയ കൗൺസിൽ പ്രമേയം ആവശ്യപ്പെട്ടു.
അത്യുന്നത വിദ്യാഭ്യാസ സ്‌ഥാപനങ്ങളിലെ അധ്യാപക പോസ്‌റ്റുകൾ യുജിസി നൽകിയ അന്ത്യശാസനവും മറികടന്ന് നികത്താതെ കിടക്കുകയാണ്. നിലവിൽ പട്ടിക ജാതി വിഭാഗത്തിൽ 7782 ഒഴിവുകളും 6903 പട്ടിക വർഗ ഒഴിവുകളും 10859 ഒബിസി ഒഴിവുകളും ഒഴിഞ്ഞ് കിടക്കുന്നുണ്ട്; എസ്‌എസ്‌എഫ് ദേശീയ കൗൺസിൽ ചൂണ്ടിക്കാണിച്ചു.
സമാനമായി മുഴുവൻ സംസ്‌ഥാനങ്ങളിലെയും മറ്റു കേന്ദ്ര സ്‌ഥാപനങ്ങളിലെയും സംവരണ സമുദായങ്ങൾക്കുള്ള ഒഴിവുകൾ കൃത്യമായി നികത്തപ്പെടുന്നുവെന്ന് ഉറപ്പ് വരുത്തുന്നതിനും നിലവിലെ സ്‌ഥിതി പഠിക്കുന്നതിനും പ്രത്യേകം സമിതിയെ നിയോഗിക്കുകയും വേണം; കൗൺസിൽ കൂട്ടിച്ചേർത്തു.
രണ്ട് ദിവസമായി അജ്‌മീറിൽ നടന്ന കൗൺസിൽ 2021- 22 വർഷത്തേക്കുള്ള കമ്മിറ്റിയെ തിരഞ്ഞെടുത്തു. ഇന്ത്യൻ ഗ്രാൻഡ് മുഫ്‌തി കാന്തപുരം എപി അബൂബകർ മുസ്‌ലിയാർ ഭാരവാഹി പ്രഖ്യാപനം നടത്തി. കേരളത്തിൽ നിന്നുള്ള ഡോ മുഹമ്മദ് ഫാറൂഖ് നഈമി അൽ ബുഖാരിയാണ് ദേശീയ പ്രസിഡണ്ട്. ഒഡിഷയിൽ നിന്നുള്ള മുഹമ്മദ് നൗഷാദ് ആലം മിസ്ബാഹി ജനറൽ സെക്രട്ടറിയും സുഹൈറുദ്ദീൻ നൂറാനി ഫിനാൻസ് സെക്രട്ടറിയുമാണ്.
മഹാരാഷ്‌ട്രയിൽ നിന്നുള്ള ഖാസി വസീമുദ്ദീനും സിപി ഉബൈദുല്ല സഖാഫിയും വൈസ് പ്രസിഡണ്ടുമാരും ബംഗളുരുവിൽ നിന്നുള്ള മുഹമ്മദ് ശരീഫ്, ബീഹാറിനെ പ്രതിനിധീകരിച്ച് ഖമർ സഖാഫി, കേരളത്തിൽ നിന്നുള്ള എം അബ്‌ദുൽറഹ്‌മാൻ, വെസ്‌റ്റ് ബംഗാളിനെ പ്രതിനിധീകരിച്ച് സിയാഉർ ഹമാൻ, ഗുജറാത്തിൽ നിന്ന് ഉബൈദ് നൂറാനി, മുഹമ്മദ് ശരീഫ് നിസാമി, ത്രിപുരയിൽ നിന്ന് മുഈനുദ്ദീൻ, കർണാടകയെ പ്രധിനിധീകരിച്ച് യഅ്ക്കൂബ് എന്നിവർ സെക്രട്ടറിമാരായും ചുമതലയേറ്റു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
