തിരുവനന്തപുരം: വന്ദേഭാരത് എക്സ്പ്രസിന്റെ ഷെഡ്യൂൾ തയ്യാറായി. തിരുവനന്തപുരം-കാസർഗോഡ് വന്ദേഭാരത് എക്സ്പ്രസ് രാവിലെ 5.20ന് തിരുവനന്തപുരം സെൻട്രലിൽ നിന്ന് പുറപ്പെട്ടു ഉച്ചക്ക് 1.25ന് കാസർഗോഡ് എത്തും.
മടക്കയാത്ര ഉച്ചക്ക് 2.30ന് പുറപ്പെട്ട് രാത്രി 10.35ന് തിരുവനന്തപുരത്ത് എത്തും. 8 മണിക്കൂർ 05 മിനിട്ടാണ് റണ്ണിങ് ടൈം. വ്യാഴാഴ്ചകളിൽ സർവീസ് ഉണ്ടായിരിക്കില്ല. അതേസമയം വിവിധ കോണുകളിൽ നിന്ന് ഉയർന്ന ആവശ്യത്തെ തുടർന്ന് ഷൊർണൂരിൽ സ്റ്റോപ്പ് അനുവദിച്ചിട്ടുണ്ട്. ചെങ്ങന്നൂർ, തിരൂർ സ്റ്റേഷനുകളിൽ സ്റ്റോപ്പ് ഉണ്ടാവില്ല.
വന്ദേഭാരത് എക്സ്പ്രസിന്റെ ഫ്ളാഗ് ഓഫ് ഈ മാസം 25ന് പ്രധാനമന്ത്രി ഉൽഘാടനം ചെയ്യും. രാവിലെ 10.30 മുതൽ 10.50 വരെയാണ് ഉൽഘാടന ചടങ്ങുകൾ നടക്കുക. അതേസമയം, വന്ദേഭാരത് ഉൽഘാടന യാത്രയിൽ പ്രധാനമന്ത്രി ഉണ്ടായിരിക്കില്ല. രണ്ടു ദിവസത്തെ കേരളാ സന്ദർശനെത്തുന്ന പ്രധാനമന്ത്രി നാളെ കൊച്ചിയിലെത്തും.
തിരുവനന്തപുരം-കാസർഗോഡ് വന്ദേഭാരത് (സ്റ്റേഷൻ: എത്തുന്ന സമയം, പുറപ്പെടുന്ന സമയം)
തിരുവനന്തപുരം: പുലർച്ചെ 5.20
കൊല്ലം: 6.07/ 6.09
കോട്ടയം: 7.25/ 7.27
എറണാകുളം ടൗൺ: 8.17/ 8.20
തൃശൂർ: 9.22/ 9.24
ഷൊർണൂർ: 10.2/ 10.4
കോഴിക്കോട്: 11.03/ 11.05
കണ്ണൂർ: 12.03/ 12.05
കാസർഗോഡ്: 1.25
കാസർഗോഡ് – തിരുവനന്തപുരം വന്ദേഭാരത്
കാസർഗോഡ്: 2.30
കണ്ണൂർ: 3.28/ 3.30
കോഴിക്കോട്: 4.28/ 4.30
ഷൊർണൂർ: 5.28/ 5.30
തൃശൂർ: 6.03/ 6.05
എറണാകുളം ടൗൺ: 7.05/ 7.08
കോട്ടയം: 8.00/ 8.02
കൊല്ലം: 9.18/ 9.20
തിരുവനന്തപുരം: 10.35
Most Read: പ്രധാനമന്ത്രിക്ക് കൊച്ചിയിൽ പഴുതടച്ച സുരക്ഷ- 2000 പോലീസുകാരെ വിന്യസിക്കും