ന്യൂഡെല്‍ഹി: രാമക്ഷേത്ര നിര്‍മ്മാണത്തിന് അന്യ മതസ്‌ഥരില്‍ നിന്നുള്ള സംഭാവന സ്വീകരിക്കില്ലെന്ന് (വിഎച്ച്പി). ഫണ്ട് സ്വരൂപിക്കാന്‍ ജനുവരി 15 മുതല്‍ ഫെബ്രുവരി 27 വരെ രാജ്യ വ്യാപകമായി ക്യാംപെയ്ന്‍ നടത്തുമെന്ന് വിഎച്ച്പി വക്‌താവ് വിജയ് ശങ്കര്‍ തിവാരി പറഞ്ഞു.
‘മുന്‍കാല അനുഭവങ്ങളുടെ പശ്‌ചാത്തലത്തില്‍ ഹിന്ദു കുടുംബങ്ങളെ മാത്രമാണ് ഫണ്ടിനായി സമീപിക്കുന്നത്. മറ്റ് മതസ്‌ഥരുടെ വീട്ടില്‍ ഇതിനായി കയറില്ല’, തിവാരി പറഞ്ഞു. എന്നാല്‍ മുസ്‌ലിങ്ങളോ സിഖുകാരോ ക്രിസ്‌ത്യാനികളോ സഹായം വാഗ്‌ദാനം ചെയ്‌താല്‍ സ്വീകരിക്കുമെന്ന് ആര്‍എസ്എസ് അറിയിച്ചു.
അയോധ്യയിലെ രാമക്ഷേത്ര കോംപ്ളക്‌സിന്റെ നിര്‍മ്മാണത്തിന് 1,100 കോടി രൂപയോളം ചിലവാകുമെന്നാണ് കണക്കാക്കുന്നത്. നിലവില്‍ ക്ഷേത്ര നിര്‍മ്മാണത്തിന്റെ പണികള്‍ പുരോഗമിക്കുകയാണ്.
അയോധ്യയില്‍ രാമക്ഷേത്രം പുനര്‍നിര്‍മിക്കുന്നത് പൂര്‍ണ്ണമായും രാജ്യത്തെ ജനങ്ങളില്‍ നിന്നും സമാഹരിക്കുന്ന സംഭാവന കൊണ്ടായിരിക്കുമെന്ന് ക്ഷേത്ര നിര്‍മാണവുമായി ബന്ധപ്പെട്ട് രൂപീകരിച്ച ട്രസ്‌റ്റ് വ്യക്‌തമാക്കിയിരുന്നു.
Read also: കേന്ദ്ര സര്‍ക്കാരിന്റെ കോവിഡ് വാക്‌സിന്‍ സ്വീകരിക്കില്ല; അഖിലേഷ് യാദവ്
