ന്യൂഡെൽഹി: രാജ്യമെമ്പാടും കർഷക സമരം വീണ്ടും ശക്തിയാർജിക്കുന്ന അവസരത്തിൽ അവർക്ക് പിന്തുണയുമായി കോൺഗ്രസ് നേതാവ് രാഹുൽ ഗാന്ധി. തലസ്ഥാന നഗരത്തിന്റെ അതിർത്തിയിലെ പ്രക്ഷോഭം ഏഴാം മാസത്തേക്ക് കടന്നതിന് പിന്നാലെ കർഷകർ പ്രതിഷേധം ശക്തമാക്കാൻ തീരുമാനിച്ചിരുന്നു.
ട്വിറ്ററിലൂടെ ആയിരുന്നു രാഹുലിന്റെ പ്രതികരണം. ‘ഇത് വളരെ ലളിതമാണ്, ഞങ്ങൾ സത്യാഗ്രഹമിരിക്കുന്ന അന്നദാതാകൾക്ക് (കർഷകർ) ഒപ്പമാണ്’ രാഹുൽ ട്വീറ്റിലൂടെ പറഞ്ഞു. സമരം ഏഴാം മാസത്തിലേക്ക് കടക്കുന്ന സാഹചര്യത്തിൽ രാജ്യ തലസ്ഥാനത്തെ വിവിധ കേന്ദ്രങ്ങളിൽ പ്രതിഷേധവുമായി കർഷകർ എത്തിയിരിക്കുകയാണ്.
सीधी-सीधी बात है-
हम सत्याग्रही अन्नदाता के साथ हैं।#FarmersProtest— Rahul Gandhi (@RahulGandhi) June 26, 2021
വിവിധ സംസ്ഥാനങ്ങളിലെ രാജ്ഭവനുകൾ (ഗവർണറുടെ ഔദ്യോഗിക വസതി) ഉപരോധിക്കാനും കർഷകർ തീരുമാനിച്ചിട്ടുണ്ട്. കാർഷിക നിയമങ്ങൾ പിൻവലിക്കണം എന്ന ആവശ്യവുമായി 2020 നവംബർ 26 മുതലാണ് കർഷകർ പ്രക്ഷോഭം ആരംഭിച്ചത്. എന്നാൽ ഇതുവരെയും അനുകൂല നിലപടെടുക്കാൻ കേന്ദ്ര സർക്കാർ തയ്യാറായിട്ടില്ല.
Read Also: പഞ്ചാബിൽ ലോക്ക്ഡൗൺ ജൂൺ 30 വരെ നീട്ടി