ന്യൂഡെൽഹി: നാഗാലാന്ഡില് സുരക്ഷാ സേനയുടെ വെടിയേറ്റ് 13 ഗ്രാമീണര് കൊല്ലപ്പെട്ട സംഭവത്തില് കേന്ദ്ര സര്ക്കാരിനെതിരെ കോണ്ഗ്രസ് നേതാവ് രാഹുല് ഗാന്ധി. സ്വന്തം മണ്ണില് പൗരൻമാരും സുരക്ഷാ ഉദ്യോഗസ്ഥരും സുരക്ഷിതരല്ലെന്നും, ആഭ്യന്തര മന്ത്രാലയം എന്താണ് ചെയ്യുന്നത് എന്നതിന് ഉത്തരം വേണമെന്നും രാഹുല് ആവശ്യപ്പെട്ടു.
This is heart wrenching. GOI must give a real reply.
What exactly is the home ministry doing when neither civilians nor security personnel are safe in our own land?#Nagaland pic.twitter.com/h7uS1LegzJ
— Rahul Gandhi (@RahulGandhi) December 5, 2021
ഇത് ഹൃദയഭേദകമാണ്. കേന്ദ്രം ശരിയായ മറുപടി നല്കണം. നമ്മുടെ സ്വന്തം മണ്ണില് സാധാരണക്കാരോ സുരക്ഷാ ഉദ്യോഗസ്ഥരോ പോലും സുരക്ഷിതരല്ലാത്തപ്പോള് ആഭ്യന്തര മന്ത്രാലയം എന്താണ് ചെയ്യുന്നത് ?; അദ്ദേഹം ട്വീറ്റ് ചെയ്തു. നാഗാലാന്ഡിലെ മോണ് ജില്ലയില് ഇന്നലെ രാത്രിയാണ് സുരക്ഷാ സേനയുടെ വെടിയേറ്റ് 13 ഗ്രാമീണര് കൊല്ലപ്പെട്ടത്. ഈ സാഹചര്യത്തിലാണ് രാഹുലിന്റെ വിമർശനം.
ട്രക്കില് സഞ്ചരിക്കുകയായിരുന്ന ഗ്രാമീണരാണ് സുരക്ഷാ സേനയുടെ വെടിയേറ്റ് കൊല്ലപ്പെട്ടത്. ആക്രമണത്തിന് എത്തിയവരാണെന്ന് തെറ്റിദ്ധരിച്ചാണ് സുരക്ഷാ സേന വെടിവെച്ചതെന്നാണ് സര്ക്കാര് വൃത്തങ്ങള് നൽകുന്ന വിശദീകരണം. സംഭവത്തില് നാഗാലാന്ഡ് സര്ക്കാര് ഉന്നതതല അന്വേഷണം പ്രഖ്യാപിച്ചിട്ടുണ്ട്.
Read Also: ദേശീയ വാദികള്ക്ക് വേണ്ടി ഇനിയും പ്രചാരണം നടത്തും’; കങ്കണ റണൗട്ട്