ന്യൂഡെല്ഹി: ഭീമ-കൊറഗാവ് കേസില് എന്ഐഎ അറസ്റ്റ് ചെയ്ത പൗരാവകാശ പ്രവര്ത്തകന് സ്റ്റാൻ സ്വാമിയുടെ ഇടക്കാല ജാമ്യാപേക്ഷ കോടതി തള്ളി. രാജ്യസുരക്ഷയെ ബാധിക്കുന്ന വിഷയമായതിനാല് ജാമ്യം നല്കാന് കഴിയില്ലെന്ന് ആയിരുന്നു പ്രത്യേക എന്ഐഎ കോടതിയുടെ നിലപാട്.
വാര്ദ്ധക്യ സഹജമായ അസുഖങ്ങള് ചൂണ്ടിക്കാട്ടിയാണ് സ്റ്റാൻ സ്വാമി ജാമ്യം ആവശ്യപ്പെട്ട് കോടതിയെ സമീപിച്ചത്. ഇന്നാണ് എന്ഐഎയുടെ കസ്റ്റഡി അവസാനിക്കുന്നത്, അതിനാല് അദ്ദേഹത്തെ കോടതിയില് ഹാജരാക്കിയേക്കും.
ഒക്ടോബർ എട്ടിനാണ് ദേശീയ അന്വേഷണ ഏജന്സി ഭീമ കൊറഗാവ് അനുസ്മരണ ചടങ്ങുമായി ബന്ധപ്പെട്ട കേസില് 82കാരനായ ഫാദര് സ്റ്റാൻ സ്വാമിയെ അറസ്റ്റ് ചെയ്തത്. ജാര്ഖണ്ഡ് കേന്ദ്രീകരിച്ചുള്ള ആദിവാസി അവകാശ പ്രവര്ത്തകനാണ് ജെസ്യൂട്ട് സഭാ വൈദികനായ ഫാ.സ്റ്റാൻ സ്വാമി.
ഭൂമി,തൊഴില് അവകാശങ്ങള്, വനം എന്നിവയുമായി ബന്ധപ്പെട്ട ആദിവാസികളുടെ വിവിധ പ്രശ്നങ്ങൾ കേന്ദ്രീകരിച്ച് കഴിഞ്ഞ മൂന്ന് പതിറ്റാണ്ടായി അദ്ദേഹം പ്രവര്ത്തിച്ചുവരുന്നു.
എല്ഗാര്-ഭീമ കൊറഗാവ് കേസുമായി ബന്ധപ്പെട്ട് സ്റ്റാൻ സ്വാമിക്ക് പുറമേ സാമൂഹ്യ പ്രവര്ത്തകയും അഭിഭാഷകയുമായ സുധ ഭരദ്വാജ്, നാഗ്പൂരിലെ അഭിഭാഷകന് സുരേന്ദ്ര ഗാഡ്ലിങ്, ഡെല്ഹി യൂണിവേഴ്സിറ്റി പ്രൊഫസര് ഹാനി ബാബു, സാംസ്കാരിക സംഘടനയായ കബീര് കലാ മഞ്ചലിലെ മൂന്നംഗങ്ങള് എന്നിവരുള്പ്പെടെ ഏഴ് പേരെയാണ് ഇതുവരെ അറസ്റ്റ് ചെയ്തിരിക്കുന്നത്.
കേസിലെ എല്ലാ പ്രതികള്ക്കും നിരോധിത സംഘടനയായ സിപിഐ (മാവോയിസ്റ്റ്) യുമായി ബന്ധമുണ്ടെന്നാണ് അന്വേഷണ ഏജന്സിയായ എന്ഐഎയുടെ ആരോപണം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
