പാലക്കാട്: അട്ടപ്പാടിയിൽ റോഡ് പണിക്കെത്തിയ സ്ത്രീയെയും യുവാവിനെയും സിഐ മർദ്ദിച്ചതായി പരാതി. കോഴിക്കോട് നല്ലളം സിഐയും അട്ടപ്പാടി സ്വദേശിയുമായ കൃഷ്ണനെതിരെയാണ് അഗളി പോലീസിൽ പരാതി നൽകിയത്.
റോഡ് പണിക്കായി എത്തിയ തമിഴ്നാട് കൃഷ്ണഗിരി സ്വദേശിനി മരതകത്തിനും തൊടുപുഴ സ്വദേശി അലക്സിനുമാണ് മർദ്ദനമേറ്റത്. ശനിയാഴ്ച രാത്രി 11 മണിയോടെയാണ് സംഭവം. കോഴിക്കോട് നല്ലളം സ്റ്റേഷനിലെ സിഐ ആണ് കൃഷ്ണൻ. റോഡ് പണി കഴിഞ്ഞു താൽക്കാലിക താമസ സ്ഥലത്ത് പാർക്ക് ചെയ്ത ലോറിയിൽ വിശ്രമിക്കുകയായിരുന്നു അലക്സ്.
ഈ സമയം അഗളി ഭാഗത്തേക്ക് പോവുകയായിരുന്ന സിഐ കൃഷ്ണൻ ലോറി കണ്ടതും വാഹനം നിർത്തി. മദ്യലഹരിയിൽ ആയിരുന്ന സിഐ അലക്സിനോടും മരതകത്തിനോടും അഗളി സിഐ ആണെന്ന് പറഞ്ഞു അസഭ്യ വാക്കുകൾ പറയുകയും തുടർന്ന് മർദ്ദിക്കുകയും ചെയ്തുവെന്നാണ് അലക്സിന്റെ പരാതി.
Most Read: ഗവേഷണത്തിന് മികച്ച പ്രോൽസാഹനം; ‘ഹാർട്ട്’ പദ്ധതിക്ക് തുടക്കമായി