കണ്ണൂർ: കോവിഡ് ബാധിച്ച് മരിച്ച സ്ത്രീയുടെ ശവസംസ്കാര ചടങ്ങ് ഏറ്റെടുത്ത് നടത്തി വനിതകൾ മാതൃകയായി. തൊക്കിലങ്ങാടിയിൽ ബുധനാഴ്ച മരിച്ച ലക്ഷംവീട്ടിൽ കെ ഉഷയുടെ ശവസംസ്കാര ചടങ്ങാണ് വനിതകൾ ഏറ്റെടുത്ത് നടത്തിയത്. കണ്ണൂർ ഗവ. മെഡിക്കൽ കോളേജിൽ കോവിഡ് ചികിൽസയിലിരിക്കെ ആണ് ഉഷ മരിച്ചത്.
ജനാധിപത്യ മഹിളാ അസോസിയേഷൻ കൂത്തുപറമ്പ് വെസ്റ്റ് വില്ലേജ് പ്രസിഡണ്ടും ഐആർപിസി വൊളന്റിയറുമായ പി ഷൈജയുടെ നേതൃത്വത്തിലുള്ള വനിതകളാണ് പിപിഇ കിറ്റ് ധരിച്ച് സംസ്കാര ചടങ്ങുകൾ നടത്തിയത്. വലിയവെളിച്ചം ശാന്തിവനത്തിലാണ് മൃതദേഹം സംസ്കരിച്ചത്. സികെ ഷംല, പിപി സ്വപ്ന എന്നിവരും ഒപ്പമുണ്ടായിരുന്നു.
Malabar News: ബത്തേരിയിലെ സൂപ്പർ ഫാസ്റ്റ് ബസുകൾ കൂട്ടത്തോടെ മറ്റു ഡിപ്പോകളിലേക്ക് മാറ്റുന്നു; പ്രതിഷേധം ശക്തം