കാറുകള്‍ക്ക് തകര്‍പ്പന്‍ ഓഫറുകള്‍ പ്രഖ്യാപിച്ച് ഹോണ്ട. ബിഎസ് 6 കാറുകള്‍ക്ക് രണ്ടര ലക്ഷം രൂപ വരെയാണ് വര്‍ഷാവസാന ഓഫര്‍ പ്രഖ്യാപിച്ചിരിക്കുന്നത്. കാഷ് ഡിസ്‌കൌണ്ട്, എക്‌സ്‌ചേഞ്ച് ആനുകൂല്യങ്ങള്‍, എക്‌സ്‌റ്റൻഡഡ്‌ വാറണ്ടി എന്നിവയും ഉള്‍പ്പെടുന്നു.
ബിഎസ് 6 മോഡല്‍ ഹോണ്ട കാറുകളായ ജാസ്, അമേസ്, ഡബ്ള്യുആര്‍-വി, ഓള്‍-ന്യൂ സിറ്റി, സിവിക് എന്നിവക്കാണ് വര്‍ഷാവസാന ആനുകൂല്യങ്ങള്‍ ലഭിക്കുന്നത്. അമേസ് സ്പെഷ്യല്‍ പതിപ്പ്, അമേസ് എക്‌സ്‌ക്ളുസീവ് പതിപ്പ്, ഡബ്ള്യുആര്‍-വി എക്‌സ്‌ക്ളുസീവ് പതിപ്പ് എന്നിവയും ഹോണ്ടയുടെ വര്‍ഷാവസാന ഓഫറിന്റെ ഭാഗമാണ്. 10000 രൂപ വരെയാണ് എക്‌സ്‌ചേഞ്ച് ആനുകൂല്യം.
വിവിധ മോഡലുകള്‍ക്ക് അനുസരിച്ച് ഓഫറില്‍ വ്യത്യാസമുണ്ടെന്നും ഹോണ്ട കാര്‍സ് അറിയിക്കുന്നു. ബിഎസ് 6 ഹോണ്ട കാറുകളിലെ ഈ ഓഫറുകള്‍ 2020 ഡിസംബര്‍ 31 വരെ അല്ലെങ്കില്‍ സ്‌റ്റോക്കുകള്‍ അവസാനിക്കുന്നതുവരെ ലഭ്യമാണെന്നും കമ്പനി അറിയിക്കുന്നു.
National News: രജനികാന്തിന്റെ രാഷ്‌ട്രീയ പ്രവേശനം സ്വാഗതം ചെയ്‌ത്‌ ബിജെപി
