ഹരാരെ: സിംബാബ്‌വെയിൽ കോവിഡ് ബാധിച്ച് മന്ത്രി അന്തരിച്ചു. ഗതാഗത, അടിസ്‌ഥാന വികസന മന്ത്രി ജോയൽ മാറ്റിസയാണ് വെള്ളിയാഴ്‌ച കോവിഡ് ബാധയെ തുടർന്ന് അന്തരിച്ചതെന്ന് അധികൃതർ സ്‌ഥിരീകരിച്ചു. ഹരാരെയിലെ സെന്റ് ആൻസ് ആശുപത്രിയിൽ വെച്ചാണ് അന്ത്യം.
ഒരാഴ്‌ചക്കിടെ കൊറോണ വൈറസ് ബാധിച്ച് മരിക്കുന്ന മൂന്നാമത്തെയും, രാജ്യത്ത് കഴിഞ്ഞ വർഷം മാർച്ചിൽ വൈറസ് സ്‌ഥിരീകരിച്ചതിന് ശേഷം മരിക്കുന്ന നാലാമത്തെയും മന്ത്രിയാണ് മാറ്റിസ.
ബുധനാഴ്‌ച വൈറസ് ബാധിച്ച് വിദേശകാര്യ മന്ത്രി സിബുസിസോ മൊയോയെ അന്തരിച്ചിരുന്നു. ഇദ്ദേഹത്തിന്റെ സംസ്‌കാരം ഇനിയും നടന്നിട്ടില്ല. അതിനിടെയാണ് രാജ്യത്ത് മറ്റൊരു മന്ത്രിയുടെ കൂടി വിയോഗം. നേരത്തെ ജനുവരി 15ന് മാനിക്കാലാൻഡ് പ്രവിശ്യയിലെ സഹമന്ത്രി എല്ലെൻ ഗ്വാറാഡ്സിംബയും കോവിഡിനെ തുടർന്ന് മരണപ്പെട്ടിരുന്നു.
കഴിഞ്ഞ 24 മണിക്കൂറിനിടെ രാജ്യത്ത് 639 പുതിയ കേസുകളാണ് റിപ്പോർട് ചെയ്യപ്പെട്ടത്. ഇതോടെ രാജ്യത്തെ ആകെ കോവിഡ് കേസുകൾ 30,000 കടന്നതായി ആരോഗ്യ-ശിശു സംരക്ഷണ മന്ത്രാലയം അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
