കണ്ണൂർ : കേരളത്തിലേക്ക് കർണാടകയിൽ നിന്നും കടത്തിയ 150 കുപ്പി മദ്യം പോലീസ് പിടികൂടി. തുടർന്ന് സംഭവത്തിൽ പാനൂർ സ്വദേശികളായ എപി രമിത്ത് ലാൽ(26), പാനൂർ കുന്നോത്ത് തെരുവത്ത് വീട്ടിൽ സുജിത്ത് ലാൽ(30) എന്നിവരെ ഇരിട്ടി പോലീസ് അറസ്‌റ്റ് ചെയ്‌തു. ബെംഗളൂരുവിൽ നിന്നും സംസ്‌ഥാനത്തേക്ക് മദ്യം ഒളിച്ചു കടത്തുന്നതിനിടയിലാണ് പ്രതികളെ പോലീസ് പിടികൂടിയത്.
തുടർച്ചയായി 2ആം ദിവസമാണ് ഇപ്പോൾ ഇരിട്ടി പോലീസ് മദ്യം പിടികൂടുന്നത്. പോലീസ് സ്‌റ്റേഷന് മുന്നിൽ നടത്തിയ പരിശോധനയിലാണ് 6 പേരുമായി എത്തിയ വാഹനത്തിൽ പ്രതികൾ മദ്യം കടത്തുന്നത് കണ്ടെത്തിയത്. കഴിഞ്ഞ ദിവസം കർണാടകയിൽ നിന്നും കേരളത്തിൽ എത്തിയ പച്ചക്കറി വണ്ടിയിൽ കടത്താൻ ശ്രമിച്ച 360 കുപ്പി മദ്യവും ഇരിട്ടി പോലീസ് പിടികൂടിയിരുന്നു.
ഇരിട്ടി സിഐ എംബി രാജേഷ്, എസ്ഐമാരായ കെകെ രാജേഷ്, എം അബ്ബാസലി, ടികെ അഖിൽ, സിവിൽ പോലീസ് ഓഫീസർമാരായ അബ്‌ദുൽ നവാസ്, എം ഷൗക്കത്തലി, സൗമ്യ കുര്യൻ, പി നിതിൻ എന്നിവരുടെ നേതൃത്വത്തിലാണ് വാഹന പരിശോധന നടത്തിയത്.
Read also : 10ലധികം സംസ്‌ഥാനങ്ങളിൽ ബ്ളാക്ക് ഫംഗസ് ബാധ; മഹാരാഷ്‌ട്രയിൽ മാത്രം 90 മരണം
