അബുദാബി : യുഎഇയിൽ പ്രതിദിന കോവിഡ് ബാധ 2000ന് മുകളിൽ തന്നെ തുടരുന്നു. കഴിഞ്ഞ 24 മണിക്കൂറിൽ രാജ്യത്ത് കോവിഡ് സ്ഥിരീകരിച്ചത് 2,123 പേർക്കാണ്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 5,96,017 ആയി ഉയർന്നു. കൂടാതെ 4 പേർക്കാണ് കഴിഞ്ഞ 24 മണിക്കൂറിൽ രാജ്യത്ത് കോവിഡിനെ തുടർന്ന് ജീവൻ നഷ്ടമായത്.
രാജ്യത്ത് കോവിഡ് ബാധിച്ച് മരിച്ച ആകെ ആളുകളുടെ എണ്ണം 1,724 ആണ്. കഴിഞ്ഞ 24 മണിക്കൂറിലും പ്രതിദിന രോഗമുക്തർ 2000ന് മുകളിലാണ്. 2,094 ആളുകളാണ് കോവിഡ് മുക്തരായത്. ഇതോടെ രാജ്യത്തെ ആകെ കോവിഡ് ബാധിതരിൽ 5,75,288 ആളുകളും ഇതുവരെ രോഗമുക്തരായി.
കഴിഞ്ഞ ദിവസത്തെ കണക്കുകൾ കൂടിയായപ്പോൾ യുഎഇയിൽ നിലവിൽ ചികിൽസയിൽ കഴിയുന്നവരുടെ എണ്ണം വീണ്ടും 19,000 കടന്നു. നിലവിൽ രാജ്യത്തിന്റെ വിവിധ ഭാഗങ്ങളിലായി ചികിൽസയിൽ കഴിയുന്നവരുടെ എണ്ണം 19,005 ആണ്. കൂടാതെ കഴിഞ്ഞ 24 മണിക്കൂറിൽ രാജ്യത്ത് 2,49,746 കോവിഡ് പരിശോധനകൾ നടത്തിയതായും ആരോഗ്യ പ്രതിരോധ മന്ത്രാലയം വ്യക്തമാക്കി.
Read also : ഹജ്ജ്; സൗദിയിൽ താമസിക്കുന്നവർക്ക് മാത്രം അനുമതി, അവസരം 60,000 പേര്ക്ക്