ന്യൂഡെൽഹി: രാജ്യത്ത് വീണ്ടും മൂന്ന് ലക്ഷത്തിനരികെ പ്രതിദിന കോവിഡ് കേസുകൾ ഉയർന്നു. 2,85,914 പേർക്കാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് സ്‌ഥിരീകരിച്ചത്‌. കഴിഞ്ഞ ദിവസത്തെ അപേക്ഷിച്ച് 11 ശതമാനത്തിന്റെ വർധനയാണ് പ്രതിദിന രോഗബാധയിൽ ഉണ്ടായത്.
അതേസമയം കഴിഞ്ഞ 24 മണിക്കൂറിൽ കോവിഡ് ബാധിതരേക്കാൾ കൂടുതൽ രോഗമുക്‌തർ രാജ്യത്ത് റിപ്പോർട് ചെയ്‌തിട്ടുണ്ട്‌. 2,99,073 പേർക്കാണ് രാജ്യത്ത് കോവിഡ് മുക്‌തി ഉണ്ടായത്. ഇതോടെ രാജ്യത്ത് ഇതുവരെ കോവിഡ് മുക്‌തി നേടിയ ആകെ ആളുകളുടെ എണ്ണം 3,73,70,971 ആയി ഉയർന്നു. കൂടാതെ രാജ്യത്ത് നിലവിൽ കോവിഡ് ബാധയെ തുടർന്ന് ചികിൽസയിൽ കഴിയുന്ന ആളുകളുടെ എണ്ണം 22,23,018 ആയും ഉയർന്നു.
കഴിഞ്ഞ 24 മണിക്കൂറിൽ രാജ്യത്തിന്റെ വിവിധ ഭാഗങ്ങളിലായി 665 പേരാണ് കോവിഡിനെ തുടർന്ന് മരിച്ചത്. ഇതോടെ രാജ്യത്ത് ഇതുവരെ കോവിഡ് ബാധയെ തുടർന്ന് മരിച്ച ആകെ ആളുകളുടെ എണ്ണം 4,91,127 ആയി ഉയർന്നു. കൂടാതെ രാജ്യത്തെ നിലവിലെ പ്രതിദിന കോവിഡ് ടെസ്‌റ്റ് പോസിറ്റിവിറ്റി നിരക്ക് 16.16 ശതമാനമാണ്.
Read also: പഞ്ചാബിൽ രണ്ടാംഘട്ട സ്‌ഥാനാർഥി പട്ടിക പ്രഖ്യാപിച്ച് കോൺഗ്രസ്
