കോഴിക്കോട് : ചികിത്സയില്‍ കഴിഞ്ഞിരുന്ന രണ്ട് പേര്‍ കൂടി ഇന്ന് സംസ്ഥാനത്ത് കോവിഡ് ബാധിച്ച് മരിച്ചു. കോഴിക്കോട് പറമ്പില്‍ സ്വദേശി രവീന്ദ്രന്‍(69), വയനാട് കൊന്നച്ചാല്‍ സ്വദേശി ജോസഫ്(85) എന്നിവരാണ് മരിച്ചത്. ഇരുവരും കോഴിക്കോട് മെഡിക്കല്‍ കോളേജില്‍ ചികിത്സയിലായിരുന്നു. മരിച്ച രവീന്ദ്രന്‍ കരള്‍ രോഗബാധിതനായിരുന്നു. ജോസഫിനും കരള്‍-വൃക്ക രോഗങ്ങള്‍ ഉണ്ടായിരുന്നു.
സംസ്ഥാനത്ത് ഇന്ന് രണ്ട് കോവിഡ് മരണങ്ങള്‍ നേരത്തെ റിപ്പോര്‍ട്ട് ചെയ്തിരുന്നു. പുത്തന്‍കുരിശ് സ്വദേശിയായ പി വി പൗലോസ്(81), തൃപ്പൂണിത്തുറ സ്വദേശിയായ സുലോചന(62) എന്നിവരാണ് മരിച്ച മറ്റ് രണ്ട് പേര്‍. കോവിഡ് ബാധിച്ച് കളമശ്ശേരി മെഡിക്കല്‍ കോളേജില്‍ ചികിത്സയില്‍ കഴിയുമ്പോഴാണ് സുലോചന മരിച്ചത്. പൗലോസ് ഏറെനാളായി അര്‍ബുദരോഗത്തിന് ചികിത്സയില്‍ ആയിരുന്നു. ഒപ്പം ശ്വാസകോശ സംബന്ധമായ അസുഖങ്ങളും അദ്ദേഹത്തിന് ഉണ്ടായിരുന്നു. ചികിത്സയില്‍ കഴിയുമ്പോഴാണ് കോവിഡ് രോഗം സ്ഥിരീകരിച്ചത്.
