ന്യൂഡെൽഹി : കോവിഡ് വ്യാപനം നിലനിൽക്കുന്ന സാഹചര്യത്തിൽ നിയന്ത്രണങ്ങൾ നിലനിൽക്കുമ്പോഴും പരമാവധി സർവീസുകൾ നടത്തിയതായി വ്യക്‌തമാക്കി ഡെൽഹി മെട്രോ അധികൃതർ. കോവിഡ് വ്യാപനത്തിന് മുൻപ് ഉള്ളത് പോലെ ദിവസേന പരമാവധി 5100ഓളം സർവീസുകളാണ് ഇപ്പോഴും നടത്തുന്നത്.
നിലവിൽ കോവിഡ് വ്യാപനം കുറഞ്ഞ സാഹചര്യത്തിൽ ഡെൽഹിയിൽ കൂടുതൽ ഇളവുകൾ നൽകി തുടങ്ങി. ഇതിന്റെ ഭാഗമായി തിങ്കളാഴ്‌ച മുതൽ മെട്രോയിലും മറ്റും എല്ലാ സീറ്റുകളിലും ആളുകളെ ഇരുത്തി യാത്ര ചെയ്യാൻ അനുമതി നൽകിയിട്ടുണ്ട്. എന്നാൽ നിന്നുള്ള യാത്രക്ക് ഇപ്പോഴും അനുമതി നൽകിയിട്ടില്ല. കോവിഡ് വ്യാപനം നിലനിൽക്കുന്ന സാഹചര്യത്തിലും കഴിഞ്ഞ ജൂൺ 7ആം തീയതി മുതൽ 50 ശതമാനം യാത്രക്കാർക്ക് അനുമതി നൽകി സർവീസ് നടത്തിയിരുന്നു.
കോവിഡ് മാനദണ്ഡങ്ങൾ നിലനിന്നിരുന്നതിനാൽ പല സ്‌റ്റേഷനുകളിലും യാത്രക്കാരുടെ വലിയ തിരക്ക് അനുഭവപ്പെട്ടിട്ടും 50 ശതമാനത്തിൽ കൂടുതൽ ആളുകളെ മെട്രോ ട്രെയിനുകളിൽ പ്രവേശിപ്പിച്ചിരുന്നില്ല. എന്നാൽ നിലവിൽ ഇളവുകൾ പ്രഖ്യാപിച്ചതോടെ എല്ലാ സീറ്റുകളിലും ആളുകൾക്ക് യാത്ര ചെയ്യാൻ അനുമതിയുണ്ട്.
Read also : വ്യാജ അഭിഭാഷക സെസി സേവ്യറിന്റെ വീട്ടില്‍ പോലീസ് റെയ്‌ഡ്‌; രേഖകൾ പിടിച്ചെടുത്തു
