മലപ്പുറം: കുറ്റിപ്പുറത്ത് തെരുവുനായകളുടെ ആക്രമണത്തിൽ ഒരാള്‍ മരിച്ചു. കുറ്റിപ്പുറം എടച്ചലം തെക്കേകളത്തിൽ ശങ്കരൻ (65) ആണ് മരിച്ചത്. ഇന്നലെ രാത്രിയാണ് ഇദ്ദേഹത്തെ തെരുവുനായകൾ കടിച്ചത്. കടിയേറ്റ് അവശനിലയിൽ ഭാരതപുഴയുടെ തീരത്ത് കണ്ടെത്തിയ ശങ്കരനെ ആശുപത്രിയിലേക്ക് കൊണ്ടു പോകും വഴിയാണ് മരിച്ചത്.
ചൊവ്വാഴ്‌ച വൈകീട്ട് നടക്കാനിറങ്ങിയപ്പോഴാണ് ശങ്കരനെ തെരുവുനായകൾ ആക്രമിച്ചത്. സമീപത്ത് ഫുട്‌ബോൾ കളിക്കുകയായിരുന്ന യുവാക്കളാണ് തെരുവുനായകളുടെ കടിയേറ്റ് രക്‌തം വാർന്നുകിടക്കുന്ന നിലയിൽ ശങ്കരനെ കണ്ടത്.
ഭാരതപ്പുഴയിൽ മാലിന്യങ്ങൾ തള്ളുന്നതിനാൽ തെരുവുനായകളുടെ ശല്യം രൂക്ഷമാണെന്ന് നാട്ടുകാർ നേരത്തെ പരാതിപ്പെട്ടിരുന്നു.
Malabar News: ഷിഗല്ല രോഗബാധ; ഉറവിടം കണ്ടെത്താന്‍ സര്‍വേ ആരംഭിച്ച് വിദഗ്ധ സമിതി
