ബെംഗളൂരു: കർണാടകയിൽ സ്വകാര്യ ബസ് നിയന്ത്രണം വിട്ട് മറിഞ്ഞതിനെ തുടർന്നുണ്ടായ അപകടത്തിൽ 8 പേർ മരിച്ചു. കർണാടകയിലെ തുംകുരുവിനു സമീപം പാവഗാഡയിൽ ഇന്ന് രാവിലെയോടെയാണ് അപകടം ഉണ്ടായത്. അപകടത്തെ തുടർന്ന് 25ഓളം പേർക്ക് ഗുരുതരമായി പരിക്കേൽക്കുകയും ചെയ്തിട്ടുണ്ട്.
വിദ്യാർഥികൾ ഉൾപ്പടെ 60 യാത്രക്കാരാണ് ബസിൽ ഉണ്ടായിരുന്നത്. പരിക്കേറ്റ ആളുകളെ അടുത്തുള്ള ആശുപത്രിയിൽ പ്രവേശിപ്പിച്ചിരിക്കുകയാണ്. കൂടാതെ മരിച്ചവരിൽ 5 പേർ വിദ്യാർഥികളാണെന്നാണ് സൂചന. വാഹനത്തിന്റെ നിയന്ത്രണം നഷ്ടപ്പെട്ടതിനെ തുടർന്ന് മറിയുകയായിരുന്നുവെന്നാണ് പ്രാഥമിക അന്വേഷണത്തിന് പിന്നാലെ പോലീസ് വ്യക്തമാക്കിയത്.
ഹോസ്കോട്ടെയിൽ നിന്ന് പാവഗഡയിലേക്കുള്ള വഴിയിലാണ് അപകടം നടന്നത്. കോളേജിലേക്ക് പോകുകയായിരുന്ന വിദ്യാർഥികളാണ് ബസിൽ ഉണ്ടായിരുന്നവരിൽ കൂടുതൽ പേരും. അപകടത്തിന് പിന്നാലെ പോലീസ് കേസ് രജിസ്റ്റർ ചെയ്യുകയും, അന്വേഷണം ആരംഭിക്കുകയും ചെയ്തിട്ടുണ്ട്.
Read also: കേരളത്തിൽ വികസനത്തെ എതിർക്കുന്ന ഒരു കൂട്ടായ്മ രൂപപ്പെടുന്നു; കാനം രാജേന്ദ്രൻ