കോഴിക്കോട്: പെരുവണ്ണാമൂഴി മുതുകാട്ടില്‍ നിന്ന് 12 ലിറ്റര്‍ നാടന്‍ ചാരായം പിടികൂടി. മുതുകാട് നാലാം ബ്ളോക്ക് പുഷ്‌പഗിരി മുക്കിന് സമീപത്തെ ഒഴിഞ്ഞ റബര്‍ തോട്ടത്തിലാണ് നാടന്‍ ചാരായം പോലീസ് കണ്ടെടുത്തത്. രണ്ട് കന്നാസുകളിലായി ഒളിപ്പിച്ച നിലയിലായിരുന്നു ചാരായം.
രണ്ട് കന്നാസുകളിലായി 12 ലിറ്റര്‍ ചാരായമാണ് ഉണ്ടായിരുന്നത്. കോവിഡ് ലോക്ക്ഡൗണിലെ പരിശോധനക്കിടെ ലഭിച്ച രഹസ്യ വിവരത്തിന്റെ അടിസ്‌ഥാനത്തിൽ ആയിരുന്നു പരിശോധന. ചാരായം പോലീസ് കസ്‌റ്റഡിയില്‍ എടുത്തു. പെരുവണ്ണാമൂഴി പോലീസ് സബ് ഇൻസ്‌പെക്‌ടറിന്റെ നേതൃത്വത്തിൽ ആയിരുന്നു പരിശോധന.
Also Read: കോവിഡ്; മലയാളി നഴ്സ് യുപിയിൽ മരിച്ചു; ചികിൽസ കിട്ടിയില്ലെന്ന് ബന്ധുക്കൾ
