കോഴിക്കോട്: യുവാവിനെ കാറിൽ തീകൊളുത്തിയ നിലയിൽ കണ്ടെത്തി. കോഴിക്കോട് ജില്ലയിലെ കുറ്റ്യാടി ചുരത്തിനടുത്ത് ചൂരനടി റോഡിൽ നിർത്തിയിട്ട കാറിലാണ് യുവാവിനെ തീകൊളുത്തിയ നിലയിൽ കണ്ടെത്തിയത്. നിർത്തിയിട്ടിരുന്ന കാറിൽ നിന്ന് പുക ഉയരുന്നത് കണ്ടതോടെ നാട്ടുകാർ ഓടികൂടുകയായിരുന്നു.
കാർ അകത്തു നിന്ന് ലോക്ക് ചെയ്തതിനാൽ നാട്ടുകാർ ചില്ലുകൾ തകർത്ത് യുവാവിനെ പുറത്ത് എടുക്കുകയായിരുന്നു. പെട്രോൾ ഒഴിച്ചാണ് തീകൊളുത്തിയത്. എന്നാൽ, തീ വ്യാപിക്കാത്തതിനാൽ ഇയാൾക്ക് കാര്യമായി പൊള്ളലേറ്റിട്ടില്ല.
അതേസമയം, ചോദ്യങ്ങളോടൊന്നും പ്രതികരിക്കാത്തതുകൊണ്ട് ഇയാളുടെ പേരോ മേൽവിലാസമോ മറ്റ് വിവരങ്ങളോ ലഭിച്ചിട്ടില്ല. കാർ വന്ന ദിശ അനുസരിച്ച് വയനാട്ടിൽ നിന്ന് വന്നതാകാം എന്നാണ് പോലീസ് കരുതുന്നത്. ഇയാളെ തിരിച്ചറിയാനുള്ള ശ്രമത്തിലാണ് പോലീസ്.
Most Read: കനത്ത മഴയ്ക്ക് സാധ്യത; ഉത്തരാഖണ്ഡിൽ റെഡ് അലർട് പ്രഖ്യാപിച്ചു
