തിരുവനന്തപുരം: സംസ്ഥാനത്ത് അടുത്ത മൂന്ന് ദിസവം ശക്തമായ മഴക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം. ഒറ്റപ്പെട്ട ഇടങ്ങളിൽ ശക്തമായ ഇടിയോട് കൂടിയ മഴക്ക് സാധ്യതയുണ്ടെന്നാണ് അധികൃതർ വ്യക്തമാക്കുന്നത്.
അതേസമയം തന്നെ ബുധനാഴ്ചയോടെ ബംഗാള് ഉള്ക്കടലില് ആൻഡമാൻ കടലിന് മുകളിലായി ചക്രവാതച്ചുഴി രൂപപ്പെടുമെന്നും, തുടർന്ന് അടുത്ത 24 മണിക്കൂറിനുള്ളിൽ അത് ന്യൂനമർദ്ദമായി മാറുമെന്നും കാലാവസ്ഥാ കേന്ദ്രം മുന്നറിയിപ്പ് നൽകി. ഇതിന്റെ ഫലമായി തെക്ക് പടിഞ്ഞാറന് ബംഗാള് ഉള്ക്കടലില് ശക്തമായ കാറ്റിന് സാധ്യതയുണ്ട്.
മധ്യ, തെക്കൻ ജില്ലകളിലാണ് മഴ കൂടുതൽ ശക്തമാകാൻ സാധ്യതയുള്ളത്. ഈ സാഹചര്യത്തിൽ മൽസ്യ ബന്ധനത്തിന് പോകുന്ന തൊഴിലാളികൾ കർശന ജാഗ്രത പാലിക്കണമെന്നും അധികൃതർ വ്യക്തമാക്കി.
Read also: രാജ്യസഭയിലെ പുതിയ എംപിമാരുടെ സത്യപ്രതിജ്ഞ ഇന്ന്