കുറ്റ്യാടി: കുറ്റ്യാടി പോലീസ് സ്‌റ്റേഷൻ മുറ്റത്ത് ലഹരി സംഘങ്ങൾ തമ്മിൽ ഏറ്റുമുട്ടി. ഇന്ന് പുലർച്ചെ രണ്ടുമണിയോടെയാണ് സംഭവം. സ്‌റ്റേഷൻ മുറ്റത്തേക്ക് രണ്ട് കാറുകൾ ഓടിച്ചു കയറ്റി അവിടെവെച്ച് ഏറ്റുമുട്ടുകയായിരുന്നു.
ഒരു കാറിൽ നിന്ന് ഒമ്പത് ഗ്രാം എംഡിഎംഎയും 10.5 ഗ്രാം കഞ്ചാവും പിടികൂടി. സംഭവവുമായി ബന്ധപ്പെട്ട് മൂന്നുപേരെ അറസ്‌റ്റ് ചെയ്‌തു. പെരുവണ്ണാമൂഴി സ്വദേശി ആൽബിൻ സെബാസ്‌റ്റ്യൻ, പേരാമ്പ്ര സ്വദേശികളായ അമൽജിത്ത്, ആൽബിൻ എന്നിവരെയാണ് അറസ്‌റ്റ് ചെയ്‌തത്‌.
ലഹരി കൈമാറ്റവുമായി ബന്ധപ്പെട്ട സാമ്പത്തിക തർക്കമാണോ ഏറ്റുമുട്ടലിലേക്ക് നയിച്ചതെന്ന് പോലീസ് അന്വേഷിച്ചു വരികയാണ്. പിടിയിലായവർ സ്‌ഥിരം ലഹരി മാഫിയ സംഘത്തിൽപ്പെട്ടവരാണോ എന്നും പ്രദേശത്തെ മറ്റാർക്കെങ്കിലും പങ്കുണ്ടോ എന്നും പോലീസ് വിശദമായി ചോദ്യം ചെയ്‌തുവരികയാണ്.
Most Read| ഇടതുപക്ഷത്തിന്റെ കരുത്ത്; ലുല ഡസിൽവ നാലാമതും ബ്രസീൽ പ്രസിഡണ്ട്
