കോഴിക്കോട്: കേരളത്തിലെ ജനങ്ങൾക്ക് വാക്സിൻ സൗജന്യമായി നൽകുമെന്ന് പ്രഖ്യാപിച്ച മുഖ്യമന്ത്രിയെ പരിഹസിച്ച് ബിജെപി സംസ്ഥാനന അദ്ധ്യക്ഷൻ കെ സുരേന്ദ്രൻ. കോവിഡ് വാക്സിൻ സൗജന്യമായി നൽകുമെന്ന് പറയാൻ മുഖ്യമന്ത്രിക്ക് നാണമില്ലേയെന്ന് സുരേന്ദ്രൻ ചോദിച്ചു. രാജ്യം മുഴുവൻ വാക്സിൻ സൗജന്യമായി നൽകുമെന്ന് കേന്ദ്രം നേരത്തെ വ്യക്തമാക്കിയതാണ്. കേന്ദ്രത്തിൻ്റെ പദ്ധതികളുടെ ക്രെഡിറ്റ് അടിച്ചെടുക്കുന്ന എട്ടുകാലി മമ്മൂഞ്ഞാണ് പിണറായി വിജയൻ. സുരേന്ദ്രൻ പരിഹസിച്ചു.
സ്വർണ കടത്ത് കേസുമായി ബന്ധപ്പെട്ട് കേന്ദ്ര ഏജൻസികൾക്കെതിരെ പരാമർശം നടത്തുന്ന മുഖ്യമന്ത്രി നിയമ വ്യവസ്ഥയെ വെല്ലുവിളിക്കുന്നുവെന്നും സുരേന്ദ്രൻ പറഞ്ഞു. ഇന്നലെ കേട്ടത് കുറ്റവാളികളുടെ ദീനരോധനമാണ്. കേസ് അട്ടിമറിക്കാൻ മേയുന്നത് കേരളത്തിലെ ഏജൻസികളാണ്. കേന്ദ്ര ഏജൻസികളെ തിരിച്ചുവിളിക്കാൻ നടത്തുന്ന നീക്കങ്ങൾ അപഹാസ്യമാണെന്നും സുരേന്ദ്രൻ പറഞ്ഞു.
Read Also: സൗജന്യ കോവിഡ് വാക്സിൻ; മുഖ്യമന്ത്രിയുടെ പ്രഖ്യാപനം പെരുമാറ്റച്ചട്ട ലംഘനം, പരാതി നൽകി യുഡിഎഫ്
