ഉത്തർപ്രദേശിൽ സബർമതി എക്‌സ്‌പ്രസ്‌ പാളംതെറ്റി; അട്ടിമറിയെന്ന് സംശയം
ട്രാക്കിൽ വെച്ച വലിയൊരു വസ്‌തു തട്ടിയാണ് 20 ബോഗി പാളം തെറ്റിയതെന്നാണ് നിഗമനം. സംഭവത്തിൽ ഐബിയും യുപി പോലീസും റെയിൽവേയും അന്വേഷണം നടത്തുമെന്ന് റെയിൽവേ മന്ത്രി അശ്വിനി വൈഷ്‌ണവ് അറിയിച്ചു.
ലഖ്‌നൗ: ഉത്തർപ്രദേശിൽ സബർമതി എക്‌സ്‌പ്രസ്‌ പാളംതെറ്റി. യുപിയിലെ കാൺപൂർ റെയിൽവേ സ്‌റ്റേഷന് സമീപം ഇന്ന് പുലർച്ചെയാണ് അപകടം. ആളപായം ഇല്ലെങ്കിലും ട്രെയിൻ ഗതാഗതം തടസപ്പെട്ടു. ട്രെയിൻ പാളം തെറ്റിയതിൽ അട്ടിമറിയുണ്ടെന്നാണ് റെയിൽവേ സംശയിക്കുന്നത്. ട്രാക്കിൽ വെച്ച വലിയൊരു വസ്‌തു തട്ടിയാണ് 20 ബോഗി പാളം തെറ്റിയതെന്നാണ് നിഗമനം.
സംഭവത്തിൽ ഐബിയും യുപി പോലീസും റെയിൽവേയും അന്വേഷണം നടത്തുമെന്ന് റെയിൽവേ മന്ത്രി അശ്വിനി വൈഷ്‌ണവ് അറിയിച്ചു. യാത്രക്കാരെ മറ്റു വാഹനങ്ങളിൽ കാൺപൂരിൽ എത്തിക്കാനുള്ള നടപടികൾ പുരോഗമിക്കുകയാണ്. കാൺപൂർ സ്‌റ്റേഷനിൽ നിന്നും മറ്റൊരു ട്രെയിനിൽ യാത്രക്കാരെ കയറ്റുമെന്നാണ് റെയിൽവേ പറയുന്നത്.
വാരാണസി ജങ്ഷനും അഹമ്മദാബാദിനും ഇടയിൽ സർവീസ് ട്രെയിനാണ് സബർമതി എക്‌സ്‌പ്രസ്‌ (19168). യാത്രക്കാരിൽ ആർക്കും പരിക്കേറ്റിട്ടില്ലെന്നാണ് പോലീസ് നൽകുന്ന വിവരം. അഗ്‌നിശമന സേനയുടെ വാഹനങ്ങളും ആംബുലൻസുകളും സംഭവ സ്‌ഥലത്ത്‌ എത്തിയിട്ടുണ്ട്. റെയിൽവേ അധികൃതർ സ്‌ഥലത്തെത്തി വിശദമായ പരിശോധന നടത്തും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
