അബുദാബി: റൺവേ വികസിപ്പിക്കുന്നതിന്റെ ഭാഗമായി അബുദാബി അൽബത്തീൻ എക്‌സിക്യൂട്ടിവ് എയർപോർട്ട് അടച്ചു. 2 മാസത്തേക്കാണ് എയർപോർട്ട് അടച്ചത്. വലിയ വിമാനങ്ങൾക്ക് സർവീസ് നടത്താൻ സാധിക്കുന്ന തരത്തിലാണ് റൺവേ വികസിപ്പിക്കുന്നത്.
ജൂലൈ 20ആം തീയതി വരെയാണ് എയർപോർട്ട് അടച്ചിടുക. തുടർന്ന് വികസന പ്രവർത്തനങ്ങൾ പൂർത്തിയായാൽ ജൂലൈ 21ആം തീയതിയോടെ വിമാനത്താവളത്തിന്റെ പ്രവർത്തനം പുനഃരാരംഭിക്കും.
വിമാനത്താവളം അടച്ചിടുന്ന കാലയളവിൽ ഹെലിക്കോപ്റ്ററുകൾക്ക് മാത്രം വിമാനത്താവളം ഉപയോഗിക്കാമെന്ന് അധികൃതർ വ്യക്‌തമാക്കിയിട്ടുണ്ട്‌. 1960ൽ അബുദാബിയിൽ നിർമിച്ച ആദ്യത്തെ വിമാനത്താവളമാണിത്. നിലവിൽ 50 സ്വകാര്യ വിമാനങ്ങൾ നിർത്തിയിടാൻ ഇവിടെ സൗകര്യമുണ്ട്.
Read also: കൊലപാതക കേസിൽ വിധിപറഞ്ഞ ജഡ്‌ജിക്കും പ്രോസിക്യൂട്ടർക്കും വധഭീഷണി
