അഫ്ഗാനിസ്‌ഥാന്‍: വനിതകളുടെ അവകാശങ്ങള്‍ക്കും വിമോചനത്തിനും വേണ്ടി പോരാട്ടം നടത്തിയിരുന്ന സാമൂഹ്യ പ്രവര്‍ത്തക ഫ്രെഷ്‌ത കൊഹിസ്‌താനി(29)യെ വെടിവെച്ചു കൊലപ്പെടുത്തി. അഫ്ഗാനിലെ കൊഹിസ്‌താന്‍ ജില്ലയിലെ വടക്ക്-കിഴക്കന്‍ പ്രവിശ്യയായ കപിസയിലാണ് സംഭവം നടന്നത്.
ബൈക്കിലെത്തിയ ആയുധധാരി ഫ്രെഷ്‌തക്ക് നേരെ വെടിയുതിര്‍ക്കുക ആയിരുന്നു. ഫ്രെഷ്‌തയോടൊപ്പം ഉണ്ടായിരുന്ന സഹോദരനും വെടിവെപ്പില്‍ പരുക്കേറ്റു.
National News: പ്രധാനമന്ത്രി ഇന്ന് കര്‍ഷകരെ അഭിസംബോധന ചെയ്യും
അടുത്തിടെ മാദ്ധ്യമപ്രവര്‍ത്തകന്‍ റഹ്‌മത്തുല്ല നിക്‌സാദും ഫ്രീ ആന്‍ഡ് ഫെയര്‍ ഇലക്ഷന്‍ ഫോറം ഓഫ് അഫ്ഗാന്‍ മേധാവി യൂസഫ് റഷീദും ഇവിടെ കൊല്ലപ്പെട്ടിരുന്നു.
ഫ്രെഷ്‌ത കൊഹിസ്‌താനിയുടെ കൊലപാതകത്തില്‍ രഹസ്യാന്വേഷണ വിഭാഗം അന്വേഷണം ആരംഭിച്ചതായി ആഭ്യന്തര മന്ത്രാലയം അറിയിച്ചു.
