റിയാദ്: ഹജ്ജ് തീർഥാടനത്തിനായി മലയാളികൾ ഉൾപ്പടെ ഇന്ത്യയിൽ നിന്നുള്ള മുഴുവൻ തീർഥാടകരും സൗദിയിൽ എത്തി. 79,237 പേർക്കാണ് ഈ വർഷം ഹജ്ജിന് അനുമതിയുള്ളത്. ഇതിൽ 56,637 പേർ ഹജ്ജ് കമ്മിറ്റി വഴിയും 22,600 പേർ സ്വകാര്യ ഹജ്ജ് ഗ്രൂപ്പ് വഴിയുമാണ് സൗദിയിൽ എത്തിയത്. 5,758 മലയാളികളാണ് ഇത്തവണ ഹജ്ജ് തീർഥാടനത്തിനായി സൗദിയിൽ എത്തിയത്.
മദീനയിൽ ആശുപത്രിയിൽ കഴിയുന്ന 5 പേരൊഴികെ മറ്റെല്ലാവരും മക്കയിൽ എത്തിയിരുന്നു. ഇവരെ ഹജ്ജിന് മുൻപ് മക്കയിൽ എത്തിക്കും. കോവിഡ് നിയന്ത്രണം മൂലം കഴിഞ്ഞ 2 വർഷം രാജ്യാന്തര തീർഥാടകർക്ക് ഹജ്ജിന് അനുമതിയുണ്ടായിരുന്നില്ല. ഇത്തവണ 8.5 ലക്ഷം രാജ്യാന്തര തീർഥാടകർ ഉൾപ്പടെ 10 ലക്ഷം പേർ ഹജ്ജ് നിർവഹിക്കും.
Read also: ബിജെപിയിൽ തൃപ്തരല്ലാത്ത എല്ലാവരും ഞങ്ങൾക്ക് വോട്ട് ചെയ്യണം; അരവിന്ദ് കെജ്രിവാൾ