2050 ഓടെ ലോകജനസംഖ്യയിലെ പകുതിപേരും അമിത വണ്ണക്കാരാകുമെന്ന് പുതിയ പഠനം. മാറിയ ജീവിതശൈലിയും ഭക്ഷണരീതിയും മൂലമാണ് ഇങ്ങനെ സംഭവിക്കുന്നത്. പോട്സ്ഡാം ഇന്സ്റ്റിറ്റ്യൂട്ട് ഫോര് ക്ളൈമറ്റ് ഇംപാക്റ്റ് റിസര്ച്ച് നടത്തിയ ഗവേഷണത്തിലാണ് ഈ കണ്ടെത്തല്.
പ്രൊസസ്ഡ് ഫുഡിലേക്കുള്ള മാറ്റത്തിന്റെ ഫലമായാണ് അമിത വണ്ണക്കാരാകുന്നതെന്നും പഠനം പറയുന്നു. 45 ശതമാനത്തോളം പേര് അമിത ഭാരക്കാരും പതിനാറ് ശതമാനം പേര് പൊണ്ണത്തടിയാല് ബുദ്ധിമുട്ടുന്നവരുമാകും എന്നാണ് പഠനം പറയുന്നത്.
കൂടാതെ 500 മില്യണില്പരം ജനങ്ങള് പോഷകാഹാരക്കുറവും ഭാരക്കുറവും നേരിടുമെന്നും ഗവേഷകര് സൂചിപ്പിക്കുന്നു. ഭക്ഷണത്തിന്റെ ആഗോള തലത്തിലുള്ള വിതരണത്തിലെ അപര്യാപ്തതയും ഭക്ഷണ ശൈലിയിലെ മാറ്റവുമെല്ലാമാണ് ഇവയിലേക്ക് നയിക്കുന്നത് എന്നും പഠനം പറയുന്നു.
Also Read: ഓറഞ്ച് ഒരു ചെറിയ പഴമല്ല; ഗുണങ്ങള് ധാരാളം
എന്തായാലും നമ്മുടെ ശരീരത്തെ ആരോഗ്യത്തോടെ നിലനിര്ത്താന് നമുക്ക് ശ്രദ്ധിക്കാം. ഫാസ്റ്റ് ഫുഡിന്റെ ഉപയോഗം കുറച്ചുകൊണ്ടും കൃത്യമായ വ്യായാമങ്ങളിലൂടെയും അമിത ഭാരത്തെയും പൊണ്ണതടിയേയുമോക്കെ നമുക്ക് ഇല്ലാതാക്കാം. ശരീരത്തിന് വേണ്ടുന്ന കായിക അധ്വാനങ്ങളും ശാരീരിക അധ്വാനങ്ങളും നല്കി ആരോഗ്യത്തെ കാത്തുസൂക്ഷിക്കാം.