മനുഷ്യരേക്കാൾ സ്‌നേഹമെന്ന വികാരം കുറവാണ് മൃഗങ്ങൾക്ക് എന്ന ഒരു തെറ്റിദ്ധാരണ നമുക്കുണ്ട്. എന്നാൽ അത് അങ്ങനെയല്ല. മനുഷ്യരേക്കാൾ സ്‌നേഹവും കരുണയും ആത്‌മാർഥതയും മൃഗങ്ങൾക്കുണ്ട്. ഇത് വ്യക്‌തമാക്കുന്ന ഒരു വീഡിയോ ആണ് രാജസ്‌ഥാനിലെ ഉദയ്‌പൂരിൽ നിന്ന് പുറത്തുവന്നത്.
അസുഖബാധിതയായ സഹോദരിയുമായി മൃഗശാലയിൽ നിന്ന് പുറപ്പെട്ട ആംബുലൻസിന് പിറകെ ഓടുന്ന കുതിരയാണ് വീഡിയോയിൽ ഉള്ളത്. ഉദയ്‌പൂരിലെ മൃഗാശുപത്രിയിലേക്കാണ് പെൺ കുതിരയെ കൊണ്ടുപോയത്. ആംബുലൻസിന് പിറകെ അഞ്ച് കിലോമീറ്റർ ഓടി കുതിര ആശുപത്രിയിൽ എത്തി.
സഹോദര സ്‌നേഹം കണ്ട ആശുപത്രി അധികൃതരും മൃഗശാല ജീവനക്കാരും ഇരു കുതിരകളെയും ഒന്നിച്ച് ആശുപത്രിയിൽ താമസിപ്പിക്കാൻ തീരുമാനിക്കുകയായിരുന്നു. സഹോദരി അസുഖം മാറി തിരിച്ചു വരുന്നതുവരെ കുതിര അവിടെ കഴിഞ്ഞു.
ഐഎഫ്എസ് ഉദ്യോഗസ്‌ഥനായ സുശാന്ത നന്ദ ഈ വീഡിയോ ട്വിറ്ററിൽ പങ്കുവച്ചിട്ടുണ്ട്. ‘ആരാണ് പറഞ്ഞത് മൃഗങ്ങൾക്ക് വികാരങ്ങൾ ഇല്ല എന്ന്’ – വീഡിയോയിൽ ചോദിക്കുന്നു.
This horse ran behind the ambulance taking his sick sister to the veterinary hospital in Udaipur, India. Hospital kept both of them together until the mare recovered. And we think animals have lesser feelings than us …
(Via Channa Prakash) pic.twitter.com/sgV11DAglE— Susanta Nanda IFS (@susantananda3) April 2, 2022
Most Read: കൊള്ളസംഘത്തെ കീഴടക്കി 18കാരി; രക്ഷിച്ചത് സ്വന്തം ജീവനൊപ്പം സഹോദരിയുടെ ജീവനും
