ചെന്നൈ: കേന്ദ്ര ആഭ്യന്തര മന്ത്രി അമിത് ഷായുടെ തമിഴ്‌നാട് സന്ദർശനത്തിന്റെ പശ്‌ചാത്തലത്തിൽ ട്വിറ്ററിൽ ട്രെൻഡിങ് ആയി ‘ഗോ ബാക്ക്’ ഹാഷ്‌ടാഗ്‌. അമിത് ഷാ തമിഴ്‌നാട്ടിൽ എത്തുന്നതിന് മുൻപ് തന്നെ ട്വിറ്ററിൽ ഗോ ബാക്ക് ഹാഷ്‌ടാഗ്‌ ട്രെൻഡിങ്ങിൽ ഒന്നാമതെത്തി എന്നതാണ് ശ്രദ്ധേയം. നാല് ലക്ഷത്തിന് മുകളിലാണ് ഈ ഹാഷ്‌ടാഗിൽ വന്ന ട്വീറ്റുകൾ.
എംഎൽഎമാരായ പ്രിയങ്ക്‌ ഖാർഗെ, ടിആർബി രാജ, കോൺഗ്രസ് നേതാവ് മാണിക്കം ടാഗോർ തുടങ്ങിയവരും ഗോ ബാക്ക് ഹാഷ്‌ടാഗുമായി എത്തിയിട്ടുണ്ട്.
While kaavees are allowed to block traffic & #Ambulances on an arterial road in #Chennai ,for a “RoadShow” with “mentals” imported by local kavees to fool the visiting kaavees, the main opposition party cadre are arrested for meeting #fishermen INSIDE a harbour #GoBackAmitShah ! https://t.co/uK5qeDNXuG pic.twitter.com/qzv9uSmc2P
— T R B Rajaa (@TRBRajaa) November 21, 2020
അമിത് ഷാ വരുന്നതിന് മുന്നോടിയായി വിമാനത്താവളം മുതൽ പല്ലാവരം വരെയുള്ള പ്രദേശത്ത് വാഹനം തടഞ്ഞുവച്ച വീഡിയോ പങ്കുവെച്ചുകൊണ്ടാണ് മാണിക്കം ടാഗോറിന്റെ ‘ഗോബാക്ക് അമിത് ഷാ’ ഹാഷ്‌ടാഗ്‌. ആംബുലൻസ് അടക്കമുള്ള വാഹനങ്ങൾ ഇവിടെ 45 മിനുട്ടിൽ അധികമായി തടഞ്ഞു വച്ചിരിക്കുകയാണ് എന്നാണ് ചിലർ ട്വീറ്റ് ചെയ്യുന്നത്.
How irresponsible for Home minister to behave like this? #GoBackAmitShah https://t.co/o173GPeOy4
— Manickam Tagore .B??✋மாணிக்கம் தாகூர்.ப (@manickamtagore) November 21, 2020
അടുത്ത വര്‍ഷം തമിഴ്‌നാട്ടിൽ നടക്കാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായാണ് അമിത് ഷായുടെ സന്ദര്‍ശനം. രാജ്യത്തിന്റെ പല ഭാഗങ്ങളിലും മുന്നേറ്റമുണ്ടാക്കിയപ്പോഴും തമിഴ്‌നാട്ടിൽ ബിജെപിക്ക് വേരുറപ്പിക്കാൻ സാധിച്ചിട്ടില്ല. ഖുശ്ബു ഉള്‍പ്പെടെയുള്ളവരെ ബിജെപി പാളയത്തിലെത്തിച്ച് അടുത്ത നിയമസഭാ തിരഞ്ഞെടുപ്പില്‍ നേട്ടമുണ്ടാക്കാനാണ് ബിജെപിയുടെ നീക്കം. ഇതിന്റെ ഭാഗമായാണ് ‘വേൽയാത്ര’ പരിപാടി സംഘടിപ്പിച്ചതും. ഇപ്പോൾ അമിത് ഷാ നേരിട്ട് കളത്തിൽ ഇറങ്ങിയിരിക്കുകയാണ്.
Related News: തമിഴ്‌നാട് പിടിക്കാൻ ബിജെപി; അമിത് ഷാ നേരിട്ടിറങ്ങുന്നു
