ശ്രീനഗർ: ജമ്മു കശ്‌മീരിലെ കുൽഗാമിൽ ഭീകരാക്രമണം നടത്താനുള്ള പാക് തീവ്രവാദികളുടെ പദ്ധതി സുരക്ഷാസേന തകർത്തു. 15 മണിക്കൂർ നീണ്ട് നിന്ന വെടിവെപ്പിന് ശേഷം ഒരു പാക് തീവ്രവാദിയെ കൊലപ്പെടുത്തിയതായി കശ്‌മീർ സോൺ പോലീസ് അറിയിച്ചു.
ഏറ്റുമുട്ടൽ സ്‌ഥലത്ത് നിന്ന് റോക്കറ്റ് ലോഞ്ചർ ഉൾപ്പെടെ വൻ ആയുധശേഖരം കണ്ടെത്തിയതായും പോലീസ് വ്യക്‌തമാക്കി. വ്യാഴാഴ്‌ച ഉച്ചയ്‌ക്ക്‌ ശ്രീനഗർ-ജമ്മു ദേശീയ പാതയിൽ ബിഎസ്എഫ് വാഹന വ്യൂഹത്തിന് നേരെ തീവ്രവാദികൾ വെടിയുതിർത്തതിന് ശേഷമാണ് ഏറ്റുമുട്ടൽ ആരംഭിച്ചത്.
വെള്ളിയാഴ്‌ചയും തുടർന്ന വെടിവെപ്പിൽ രണ്ട് സ്വദേശികൾക്കും നാല് സുരക്ഷാ ഉദ്യോഗസ്‌ഥർക്കും പരിക്കേറ്റു. പ്രദേശത്ത് പോലീസ് ഉപയോഗിച്ച രണ്ട് ഡ്രോണുകൾ തീവ്രവാദികൾ വെടിവെച്ചിട്ടു.
ദേശീയ പാതയിൽ വലിയ ആക്രമണം നടത്താനാണ് തീവ്രവാദികൾ ലക്ഷ്യമിട്ടത്. സമയോചിതമായ ഇടപെടലിലൂടെ പദ്ധതി തകർക്കാൻ സാധിച്ചുവെന്ന് കശ്‌മീർ പോലീസ് ഐജി വിജയ് കുമാർ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
