കോഴിക്കോട്: നഗരത്തിലെ ലോഡ്ജിൽ വെച്ച് അസം സ്വദേശിനിയായ പെൺകുട്ടിയെ പീഡിപ്പിച്ച കേസിൽ ഒരാൾ കൂടി അറസ്റ്റിൽ. ലോഡ്ജ് നടത്തിപ്പുകാരനായ കല്ലായി സ്വദേശി അബ്ദുൾ സത്താർ (60) ആണ് പിടിയിലായത്. ഇയാളും പീഡിപ്പിച്ചിരുന്നതായി പെൺകുട്ടി പോലീസിൽ മൊഴി നൽകിയിരുന്നു.
വീട്ടു ജോലി വാഗ്ദാനം ചെയ്താണ് അസം സ്വദേശിനിയായ പെൺകുട്ടിയെ കോഴിക്കോട് എത്തിച്ചത്. ഒരു മാസത്തോളം പീഡനത്തിന് ഇരയായ പെൺകുട്ടി കഴിഞ്ഞ ആഴ്ച ലോഡ്ജിൽ നിന്ന് ഇറങ്ങിയോടിയതോടെയാണ് വിവരം പുറത്തറിയുന്നത്. കേസിൽ അസം സ്വദേശികളായ രണ്ടുപേർ നേരത്തെ അറസ്റ്റിലായിരുന്നു. കേസിൽ ഇനിയും അറസ്റ്റിന് സാധ്യത ഉണ്ടെന്നാണ് പോലീസ് പറയുന്നത്.
Most Read: ജലനിരപ്പ് ഉയർന്നു; മുല്ലപ്പെരിയാറിൽ മുന്നറിയിപ്പില്ലാതെ ഷട്ടറുകൾ തുറന്നു