കോഴിക്കോട്: നിയമസഭാ തിരഞ്ഞെടുപ്പിൽ കോഴിക്കോട് നോർത്തിൽ നിന്ന് സ്ഥാനാർഥിയായി പരിഗണിച്ച സംവിധായകൻ രഞ്ജിത്ത് പിൻമാറി. നോർത്തിൽ മൽസരിക്കാനില്ലെന്ന് രഞ്ജിത്ത് പാർട്ടിയെ അറിയിച്ചു. ഇതോടെ മൂന്ന് ടേം പൂർത്തിയാക്കിയ എ പ്രദീപ് കുമാറിന് സാധ്യതയേറി.
എ പ്രദീപ് കുമാറിന് ഇളവ് വേണമെന്ന ആവശ്യം ജില്ലാ സെക്രട്ടറിയേറ്റ് മുന്നോട്ട് വെച്ചിട്ടുണ്ട്. തിരഞ്ഞെടുപ്പിൽ മൽസരിക്കാമോയെന്ന് സിപിഎം ചോദിച്ചിട്ടുണ്ടെന്നും പാർട്ടി തീരുമാനിച്ചാൽ മൽസരിക്കാൻ തയാറാണെന്നുമാണ് രഞ്ജിത്ത് കഴിഞ്ഞ ദിവസം പറഞ്ഞത്.
സിറ്റിംഗ് എംഎൽഎ എ പ്രദീപ് കുമാറിന് പകരമാണ് രഞ്ജിത്തിനെ പരിഗണിച്ചത്. അതേസമയം കൊയിലാണ്ടിയിൽ കെസത്യനും എം മഹ്ബൂബും പരിഗണനയിലുണ്ട്. ബാലുശ്ശേരിയിൽ സച്ചിൻ ദേവ് മൽസരിച്ചേക്കും. ബേപ്പൂരിൽ മുഹമ്മദ് റിയാസും പരിഗണനാ പട്ടികയിലുണ്ട്.
Malabar News: ടിവി രാജേഷ് എംഎല്എക്കും മുഹമ്മദ് റിയാസിനും ജാമ്യം